¿Jatchiásute buewru reunionpo ito naw totʼtoja?

¿Ache suuwa jachin ime géntem may alʼleakam bitʼtu? Wepu itom buewru reuniónpom ane. Aman banʼnataka jume Liosta siérvomʼmew nésawʼwak kem wepu wasúktiapo bájisim naw emo tóixnakey, ítapo ketʼte ame bénasi may alʼleaka buere grúpompote ito naw totʼtoja (Deuteronomio 16:16). Chikti wasúktiampo báix reuniónim ia bénamete jíjipure: woy buewru reunión circuítota bétana aʼayu, wanay wewépulayka wepu täpo wéweye, éntok wepu buewru reunión regionalta bétana, iʼi báix táywarimpo wéweye. ¿Jita türita itow nunüpa?

Chë jüne itom saylamʼmak itom naw aʼamtua. Jume israelítam máyim alʼleleay Jehovata alabáruako “juebena géntemʼmak naw anëpo”, ítapo ketʼte mayte alʼléleya Jehovata adoráruako ítom saylamʼmak naw aneka (Salmo 26:12; 111:1). Ime reuniónim máyim türy wate testígom tatʼtabui congraciónimpo aneme o wate paísimpo jomeme täya bechïbo. Lulʼla káteko nawte jijïbua buewru reunión jojówapo, wanay júnel árate amígom ara yawʼwa (Hechos 2:42). Jumüte a iʼinea juka nákwamta itom naw amtuame itom sáylam sïmat ániapo joákamemak (1 Pedro 2:17).

Itómim aʼania espiritualméntepo púxbaw bicha we bechïbo. Jume israelítam máyim tülisi emo beneficiáruay “[at jüneko] jume nokimʼmechi” Jióxterim Liosta bétana am maxtiákawi (Nehemías 8:8, 12). Ítapo ketʼte jumu buewru reunión itom maxtiáwawi bexre machísite a bitcha. Wewëpulayka wepu tema Bíbliapo yew nüri bétanam nonoka. Etʼtexwarim éntok escenificaciónim pámante maxtiawa jáchisute Liosta wátiawte yánake. Júneli ketchi, ánimota itom mámaka a jikʼkajäteko jachin imi tiempo obiáchimpo wate géntem cristiánomtaka obiáchipom yewsákala. Jumu buewru reunión regionálimpo drámam jojowa banʼnataka bénasi emo sasánkotua wanay júnel jume relátom Liosta Nokipo wëme itómam bibitʼtua, imeʼe may türi lecciónimim itom maxtiá. Wanay sïme buewru reunión wepu baróptiwame wéweye wame a jünetuapiawi bechïbo ke béjam Lióstaw nokʼla.

• ¿Jatchiásute alʼlelea buewru reunión itom weyo?

• ¿Jáchisu enchí aniánake buewru reunióniw wéteko?