Salamo

5 Henoy izay lazaiko,+ Jehovah ô!

Aoka ho tsapanao ny antony isentoako.

 2 Henoy aho raha miantso vonjy aminao,+

Ry Mpanjakako+ sy Andriamanitro ô, fa ianao no ivavahako.+

 3 Amin’ny maraina, dia handre ny feoko ianao, Jehovah ô!+

Eny, amin’ny maraina, dia hiresaka aminao aho ka hiandry izay ho valiny.+

 4 Fa tsy mba Andriamanitra finaritra amin’ny faharatsiana ianao.+

Tsy misy olon-dratsy hiara-mitoetra aminao, na rahoviana na rahoviana.+

 5 Tsy misy mpirehareha mahajoro eo anatrehanao.+

Halanao ny mpanao ratsy rehetra,+

 6 Ary haringanao ny mpandainga.+

Halan’i Jehovah ny mpandatsa-dra+ sy ny mpamitaka.+

 7 Noho ny haben’ny hatsaram-panahinao feno fitiavana,+

Dia hiditra ao an-tranonao aho,+

Ary hiankohoka manandrify ny tempolinao masina, noho ny fahatahorana anao.+

 8 Jehovah ô, tariho amin’ny fahamarinanao aho,+ fa manodidina ahy ny fahavaloko,+

Ampio aho mba tsy ho voasakantsakana ny fandehanako amin’ny lalanao.+

 9 Fa tsy misy azo itokisana izay lazain’ny vavany,+

Ary fampahoriana no ao am-pony.*+

Fasana misokatra ny tendany,+

Ary fitaka no eo amin’ny lelany.+

10 Homelohin’Andriamanitra tokoa izy ireo,+

Ary ny tetika nataony ihany no hahavoa azy.+

Aoka hiparitaka izy ireo fa betsaka ny fandikan-dalàna nataony,+

Satria nikomy taminao izy.+

11 Hiravoravo kosa izay rehetra mialoka aminao,+

Ka hihoby mandritra ny fotoana tsy voafetra.+

Hosakananao izay manatona hamely azy,

Ary hifaly aminao ny olona tia ny anaranao.+

12 Fa hitahy ny olo-marina ianao,+ Jehovah ô!

Hataonao mahasarona azy toy ny ampinga+ lehibe ny fankasitrahanao.+