3 Ary hoy izy tamin’i Mosesy: “Atsipazo amin’ny tany iny.” Koa natsipiny tamin’ny tany ilay izy ka niova ho bibilava.+ Dia nandositra an’ilay bibilava i Mosesy.

6 Ary hoy indray i Jehovah taminy: “Mba atsofohy ao amin’ilay miforitra eo amin’ny tratran’akanjonao hoe ny tananao, azafady.” Dia natsofony tao ny tanany, ka nony navoakany avy tao dia boka sady fotsy be.*+

9 Ary raha mbola tsy hinoan’izy ireo ihany ireo famantarana roa ireo, ka tsy henoiny ny teninao,+ dia makà rano ao amin’ny Reniranon’i Neily, ka araraho eo amin’ny tany maina. Ary tena hiova ho ra eo amin’ny tany maina tokoa ilay rano nalainao tao amin’ny Reniranon’i Neily.”+