9 Efa nisy olona niafina mba hamely an’i Samsona tao amin’ny efitranon’i Delila tamin’izay.+ Dia hoy i Delila tamin’i Samsona: “Hamely anao ny Filistinina,+ ry Samsona!” Dia notapahiny ireo hozatra, sahala amin’ny kofehy rongony, izay tapaka raha vao manakaiky afo.+ Koa tsy nisy nahafantatra izay niavian’ny heriny.+

12 Koa naka tady vaovao i Delila, ka namatotra an’i Samsona, ary hoy izy: “Hamely anao ny Filistinina, ry Samsona!” Efa nisy olona niafina tao amin’ilay efitrano anatiny tamin’izay.+ Dia notapahin’i Samsona hiala teo amin’ny sandriny ireo tady, sahala amin’ny fanapaka kofehy iray.+

14 Ary nataon-dravehivavy nifatratra tsara tamin’ny alalan’ny hazo fisaka ireo randran’i Samsona, dia hoy izy: “Hamely anao ny Filistinina, ry Samsona!”+ Dia nifoha tamin’ny torimasony i Samsona, ka nosintoniny hiala ilay hazon-tenona sy ny kofehy natao tenany.