FITEHIRIZAM-BOKIN’NY Vavolombelon’i Jehovah

Nehemia 9:17

Ny Soratra Masina—Fandikan-tenin’ny Tontolo Vaovao
- 17 Tsy nety nihaino izy ireo+ ary tsy nahatsiaro+ ireo asa mahatalanjona nataonao ho azy. Nanjary mafy hatoka+ kosa izy ireo ka nanendry olona hitarika+ azy hiverina ho andevo any Ejipta. Andriamanitra mamela heloka+ anefa ianao, sady tsara fanahy,+ mamindra fo,+ tsy mora tezitra+ ary be+ hatsaram-panahy feno fitiavana, ka tsy nahafoy azy.+

Salamo 86:15

Ny Soratra Masina—Fandikan-tenin’ny Tontolo Vaovao
- 15 Fa ianao kosa, Jehovah ô, dia Andriamanitra mamindra fo sy tsara fanahy,+
  Tsy mora tezitra+ ary be hatsaram-panahy feno fitiavana sady tena tia fahamarinana.+

Salamo 103:8

Ny Soratra Masina—Fandikan-tenin’ny Tontolo Vaovao
- 8 Mamindra fo sy tsara fanahy i Jehovah,+
  Tsy mora tezitra sady be hatsaram-panahy feno fitiavana.+

Jona 4:2

Ny Soratra Masina—Fandikan-tenin’ny Tontolo Vaovao
- 2 Koa nivavaka tamin’i Jehovah izy hoe: “Jehovah ô! Tsy izao ve ilay efa nolazaiko fony aho tany amin’ny taniko? Koa naleoko tonga dia nandositra nankany Tarsisy.+ Fantatro mantsy fa Andriamanitra tsara fanahy ianao, mamindra fo,+ tsy mora tezitra, sy be hatsaram-panahy feno fitiavana,+ ary manenina ny amin’ny loza kasainao hampiharina.+