-
Salamo 22:0-31Ny Soratra Masina—Fandikan-tenin’ny Tontolo Vaovao
-
-
Ho an’ny mpitarika. Hohiraina araka ny feon’ny Serfavavin’ny Maraina Vao Mangiran-dratsy. Hiran’i Davida.
22 Andriamanitro ô, Andriamanitro ô, nahoana no nahafoy ahy ianao?+
Nahoana no lavitra ahy ianao, ka tsy mamonjy ahy+
Sady tsy mihaino ny fitarainako?+
2 Andriamanitro ô, miantso anao foana aho amin’ny antoandro nefa tsy mamaly ianao,+
Ary miantso koa aho amin’ny alina, ka tsy mangina mihitsy ny vavako.+
5 Ianao no nitarainan’izy ireo,+ ka voavonjy izy,+
Ary ianao no nitokisany, ka tsy nitsanga-menatra izy.+
8 “Efa nankininy tamin’i Jehovah ny fiainany,+ koa aoka Izy hamonjy azy!+
Aoka Izy hanafaka azy, raha mankasitraka azy!”+
9 Ianao no nisintona ahy hivoaka avy tao an-kibo,+
Sy nahatonga ahy tsy hanana ahiahy teo an-tratran-dreniko.+
10 Vao teraka aho, dia efa nankinina taminao.+
Mbola tany an-kibon-dreniko aho, dia efa ianao no Andriamanitro.+
12 Misy vantotr’ombilahy maro be mitangorona amiko,+
Ary omby matanjaka avy any Basana no manodidina ahy.+
Ary nosaratsarahina ny taolako rehetra.+
Tonga toy ny savoka ny foko,+
Ka nitsonika tao anatiko lalina tao.+
15 Tsy misy hery intsony ato amiko, fa maina toy ny silaka vilany tany aho.+
Miraikitra amin’ny lanilaniko ny lelako,+
Ary eo amin’ny vovoky ny fahafatesana no ametrahanao ahy.+
16 Fa mitangorona amiko ny alika,+
Ary manodidina ahy ireo mpanao ratsy maro be,+
Izay toy ny liona manaikitra ny tanako sy ny tongotro.+
20 Afaho tsy ho azon-tsabatra aho.+
Avoty tsy ho azon’ny alika ny aiko, izay lahitokako.+
21 Vonjeo aho mba tsy ho lanin’ny liona.+
Valio aho ka vonjeo tsy ho azon’ny tandroky ny ombidia.+
23 Ianareo izay matahotra an’i Jehovah, miderà Azy!+
Ianareo rehetra taranak’i Jakoba, mankalazà Azy!+
Ary matahora Azy, ianareo rehetra taranak’i Israely.+
24 Fa tsy ataony tsinontsinona+
Na hamavoiny ny fahorian’ny ory.+
Tsy manafina ny tavany aminy izy.+
Nohenoiny ny ory rehefa niantso vonjy taminy.+
25 Noho ny zava-bitanao, dia hidera anao eo anivon’ny fiangonana lehibe aho.+
Hanefa ny voadiko eo anatrehan’ireo matahotra azy aho.+
27 Hahatsiaro an’i Jehovah ny vazan-tany efatra, ka hiverina aminy.+
Ary hiankohoka eo anatrehanao ny fokom-pirenena rehetra.+
-
-
Isaia 53:1-12Ny Soratra Masina—Fandikan-tenin’ny Tontolo Vaovao
-
-
53 Iza no mba nino ny zavatra renay?+ Ary tamin’iza no naharihary+ ny sandrin’i Jehovah?+ 2 Hitsiry toy ny rantsana+ eo anatrehany izy, ary ho toy ny faka maniry eo amin’ny tany tsy misy rano. Tsy manana bika aman’endrika manintona izy, na manana famirapiratana.+ Tsy hahita an’ilay bika aman’endrika anirianay azy izahay rehefa mijery azy.+
3 Natao tsinontsinona sy nihatakatahan’ny olona izy,+ ary lehilahy nahalala fanaintainana sady nahafantatra tsara ny atao hoe aretina.+ Nihodina izahay mba tsy hijery ny endriny.+ Natao tsinontsinona izy, ary nohamavoinay.+ 4 Ny aretinay tokoa no nentiny,+ ary ny fanaintainanay no nozakainy.+ Nihevitra anefa izahay fa niharan’ny loza+ sy kapoka ary fampahoriana+ avy tamin’Andriamanitra+ izy. 5 Notrobarana+ noho ny helokay+ anefa izy, ary notorotoroina noho ny fahadisoanay.+ Nihatra taminy ilay sazy nahazoanay fihavanana,+ ary ny ratrany+ no nahazoanay fanasitranana.+ 6 Nirenireny toy ny ondry izahay rehetra,+ ka samy nivily nanaraka ny lalanay avy. Ary nampitondrain’i Jehovah azy ny fahadisoanay rehetra.+ 7 Voageja mafy+ sy nanaiky hampahorina izy,+ nefa tsy niloa-bava akory. Nentina toy ny ondry hovonoina izy,+ ary tsy niloa-bava toy ny ondrivavy izay nanjary moana teo anoloan’ny mpanety azy.+
8 Nampahorina izy ary tsy nomena rariny.+ Iza no handinika ny tsipiriany momba ny taranaka nipoirany?+ Fa nesorina hiala+ tamin’ny tanin’ny velona+ izy. Nokapohina+ koa izy noho ny heloky+ ny oloko. 9 Rehefa maty izy, dia hatao eo amin’ny ratsy fanahy+ sy ny mpanankarena ny fasany,+ na dia tsy nanao herisetra+ aza izy sady tsy nisy fitaka teo am-bavany.+
10 Sitrak’i Jehovah anefa ny hanorotoro azy.+ Nataony narary koa izy.+ Raha atolotrao ho fanatitra noho ny heloka+ izy, dia hahita an’izay ho taranany+ sady hanalava ny androm-piainany,+ ary ny tanany no hanatanteraka an-tsakany sy an-davany+ izay sitrak’i+ Jehovah. 11 Noho ny fahoriany, dia hahita zava-tsoa izy+ ka ho afa-po.+ Ny fahalalana azon’ilay olo-marina mpanompoko+ no hanampiany olona maro ho tonga olo-marina.+ Ary hozakainy ny fahadisoan’izy ireo.+ 12 Koa homeko anjara miaraka amin’ny maro izy.+ Hifampizara babo miaraka amin’ireo mahery izy,+ noho izy nanolotra* ny ainy ho amin’ny fahafatesana.+ Ary natao ho anisan’ny mpandika lalàna izy.+ Nitondra ny fahotan’ny maro koa izy,+ ary mpanelanelana+ eo amin’ireo mpandika lalàna.
-