Salamo
2 Iza no mahavita milaza ny asa lehibe nataon’i Jehovah,+
Na mahavita manambara ny fiderana rehetra mendrika azy?+
4 Tsarovy aho Jehovah ô, ka ankasitraho toy ny ankasitrahanao ny olonao.+
Aoka ianao hikarakara sy hamonjy ahy,+
5 Mba hahitako fa maneho hatsaran-toetra amin’ny olom-boafidinao ianao,+
Sy mba hiarahako hifaly amin’ny firenenao,+
Ary mba hireharehako miaraka amin’ny lovanao.+
7 Tsy mba nandinika ny asanao mahatalanjona
Ny razanay tany Ejipta.+
Tsy tsaroan’izy ireo fa lehibe tokoa ny hatsaram-panahinao feno fitiavana.+
Nikomy anefa izy ireo teo amin’ny ranomasina, teo akaikin’ny Ranomasina Mena.+
9 Koa noteneniny mafy ny Ranomasina Mena, dia ritra tsikelikely.+
Nampandehaniny namakivaky rano lalina toy ny mamakivaky tany efitra izy ireo,+
10 Ka novonjeny teo an-tanan’ny mpankahala,+
Sy navotany teo an-tanan’ny fahavalo.+
13 Vetivety anefa izy ireo dia nanadino izay nataon’Andriamanitra,+
Ary tsy niandry izay torohevitra avy taminy.+
14 Nanjary nanana faniriana feno fitiavan-tena izy ireo tany an-tany efitra.+
Nitsapa toetra an’Andriamanitra izy ireo, tany amin’ny tany karakaina.+
19 Nanamboatra zanak’omby koa izy ireo tao Horeba,+
Ary niankohoka teo anoloan’ny sarivongana metaly,+
20 Ka ny voninahitro+ dia natakalony
Sarin’omby, izay biby mpihinam-bilona.+
21 Nohadinoiny Andriamanitra Mpamonjy azy,+
Dia Ilay nanao zavatra lehibe tany Ejipta,+
22 Sy asa mahatalanjona tany amin’ny tanin’i Hama,+
Ary zava-mampahatahotra, teo amin’ny Ranomasina Mena.+
23 Efa saika nandidy ny handringanana an’ireo izy,+
Raha tsy teo i Mosesy olom-boafidiny
Izay nijoro teo anatrehany, teo amin’izay nisy banga,+
Mba hitsaharan’ny fahatezerany ka tsy handringanany azy ireo.+
26 Koa nanangan-tanana izy ka nianiana momba azy ireo+
Fa hataony miampatrampatra any an-tany efitra ny fatiny,+
27 Sy hataony miampatrampatra any amin’ireo firenena ny fatin’ny taranany,+
Ary haparitany any amin’ny tany samy hafa izy ireo.+
31 Koa izany no nahatonga azy hekena ho isan’ny olo-marina,
Hatramin’ny taranaka fara mandimby, mandritra ny fotoana tsy voafetra.+
32 Nanao izay nampahatezitra izy ireo, teo amin’ny ranon’i Meriba,+
Ka nidiran-doza i Mosesy noho ny nataon’izy ireo.+
38 Koa nandatsaka ran’olona tsy manan-tsiny izy ireo,+
Dia ny ran’ny zanany lahy sy ny zanany vavy,
Izay nataony sorona ho an’ireo sampin’i Kanana,+
Ka nanjary naloto ilay tany, noho ny fandatsahan-dra.+
41 Koa natolony imbetsaka teo an-tanan’ireo firenena izy ireo,+
Mba hanjakazaka aminy ny mpankahala azy,+
42 Sy mba hampahory azy ny fahavalony.
Amin’izay dia ho resy izy ireo, ka ho eo am-pelatanan’ny fahavalony.+
43 Imbetsaka izy no namonjy azy ireo,+
Nefa nikomy sy tsy nankatò izy ireo,+
Ka naetry noho ny fahadisoany.+
45 Nahatsiaro ny fifanekena nataony tamin’ireo izy, mba hitsimbinana azy ireo,+
Ary nanenina izy, satria lehibe tokoa ny hatsaram-panahiny feno fitiavana.+