Salamo

79 Nidiran’ireo firenena ny lovanao, Andriamanitra ô!+

Nolotoiny ny tempolinao masina,+

Ary nataony korontam-bato miavosa i Jerosalema.+

 2 Nomeny ho sakafon’ny voro-manidina ny fatin’ny mpanomponao,+

Ary ho an’ny bibidia ny nofon’ireo tsy mivadika aminao.+

 3 Nataony nandriaka toy ny rano ny ran’izy ireo

Nanerana an’i Jerosalema, ary tsy nisy nandevina azy.+

 4 Nanjary nandatsa anay ny mpiara-monina taminay,+

Ary naneso sy nanaraby anay ny manodidina anay.+

 5 Mandra-pahoviana ianao no mbola ho tezitra, Jehovah ô? Ho mandrakizay ve?+

Mandra-pahoviana no hirehitra toy ny afo ny fahatezeranao?+

 6 Aoka ianao hanampatra ny fahatezeranao amin’ireo firenena tsy mahalala anao,+

Sy amin’ireo fanjakana tsy miantso ny anaranao.+

 7 Fa nataony ripaka tanteraka i Jakoba,+

Ary nataon’izy ireo lasa aolo ny fonenany.+

 8 Aza fohazina mba hamelezana anay ny fahadisoan’ny razanay.+

Aza ela re e! Mba anehoy famindram-po izahay,+

Fa mahantra fadiranovana.+

 9 Ry Andriamanitra mpamonjy anay ô, ampio izahay+

Noho ny voninahitry ny anaranao.+

Afaho izahay ary avelao ny fahotanay, noho ny anaranao.+

10 Nahoana ny firenena no dia hilaza hoe: “Aiza izay mba Andriamanitr’ireo?”+

Aoka ho fantatry ny firenena sy ho hitan’ny masonay,+

Fa mamaly ny ran’ny mpanomponao ianao.+

11 Ho tonga hatrany aminao anie ny senton’ny voafonja!+

Lehibe ny sandrinao, ka mba tsimbino ny ain’ireo nomelohina ho faty.+

12 Aoka hovalianao* avo fito heny ny mpiara-monina aminay,+

Noho ny nanalany baraka anao, Jehovah ô!+

13 Fa izahay kosa, izay olonao sy ondry ao amin’ny kijananao,+

Dia hisaotra anao mandritra ny fotoana tsy voafetra,

Ary hanambara ny fiderana anao, hatramin’ny taranaka fara mandimby.+