Salamo

82 Maka toerana Andriamanitra,+ eo amin’ny fivoriana+ tarihin’Andriamanitra,

Eo amin’ireo andriamanitra Izy no mitsara,+ ka manao hoe:

 2 “Mandra-pahoviana ianareo no hanao ny tsy rariny rehefa mitsara,+

Na hiangatra amin’ny ratsy fanahy?+ Sela.

 3 Tsarao araka ny hitsiny ny mahantra sy ny kamboty ray.+

Omeo rariny ny ory sy ny madinika.+

 4 Vonjeo ny mahantra sy ny ory,+

Ka afaho eo am-pelatanan’ny ratsy fanahy.”+

 5 Tsy mahalala izy ireo, ary tsy mahafantatra.+

Miraparapa ao anaty haizina izy ireo,+

Ka voahozongozona ny fototry ny tany manontolo.+

 6 “Hoy aho: ‘andriamanitra ianareo,+

Ary zanak’ilay Avo Indrindra ianareo rehetra.+

 7 Ho faty toy ny olon-drehetra ihany anefa ianareo,+

Ary ho lavo toy ny andriana rehetra!’”+

 8 Mitsangàna, Andriamanitra ô, ka tsarao ny tany,+

Fa anao tokoa ny firenena rehetra.+