Salamo

 2 Izaho kosa anefa saika nivily lalana,+

Ary efa saika nibolisatra ny tongotro.+

 3 Fa nitsiriritra ny mpirehareha aho,+

Rehefa nahita ny fiadanan’ny ratsy fanahy.+

 4 Tsy mba mijalijaly ireny rehefa ho faty.+

Be kibo erỳ izy fa matavy.+

 5 Tsy mba sahirana toy ny olombelona rehetra mety maty ireny,+

Ary tsy mba azom-pahoriana toy ny olon-kafa.+

 6 Koa ny fireharehana no ataony rojo iambozonana,+

Ary ny herisetra no ataony akanjo mandrakotra ny tenany.+

 7 Bongon’ny tavy ny masony.+

Ary mihoatra noho izay efa nokendreny tao am-pony ny zava-bitany.+

 8 Manaraby sy miresaka zava-dratsy ireny.+

Mieboebo erỳ izy miresaka momba ny fanambakana nataony. +

 9 Ataony manakatra ny lanitra mihitsy ny vavany.+

Mitety ny tany izy ary miteny izay tiany hotenenina.+

10 Koa entiny miverina ny olona,

Ary rano be dia be no araraka hosotroin’izy ireo.

11 Dia hoy ireo: “Ahoana moa no ahalalan’Andriamanitra?+

Manam-pahalalana angaha moa ilay Avo Indrindra?”+

12 Ireny ny ratsy fanahy! Miadana lalandava izy,+

Sady mampitombo ny fananany.+

13 Very maina mihitsy ny nanadiovako ny foko,+

Sy ny nanasako ny tanako ho porofo fa tsy manan-tsiny aho.+

14 Azom-pahoriana aho tontolon’ny andro,+

Ary anarina isa-maraina.+

15 Raha hoy aho: “Hitantara zavatra sahala amin’izany aho”,

Dia ho nivadika

Tamin’ny zanakao rehetra.+

16 Nandinika foana aho mba hahalalako izany.+

Ary nanahiran-tsaina ahy izany,

17 Mandra-piditro tao amin’ny toerana masin’Andriamanitra.+

Te hahafantatra ny hoavin’ireny aho.+

18 Eo amin’ny toerana malama tokoa no ametrahanao an’ireny.+

Ary ataonao izay hahalavo azy mba ho ringana izy.+

19 Tampoka teo, dia nanjary nigagan’ny olona ireny.+

Nifarana ny fiainany, eny, nifarana noho ny loza tampoka.

20 Jehovah ô, toy ny hanadinoana ny nofy rehefa mifoha,+

No hanaovanao tsinontsinona ny voninahiny, rehefa mifoha ianao.+

21 Fa sosotra aho tao am-poko tao,+

Ary nanaintaina mafy ny voako.+

22 Tsy nisaina aho ary tsy nanam-pahalalana.+

Toy ny biby aho teo imasonao.+

23 Eo aminao mandrakariva anefa aho.+

Ary nandray ny tanako ankavanana ianao.+

24 Ny torohevitrao no hitarihanao ahy,+

Ary homenao voninahitra aho avy eo.+

25 Manana an’iza moa aho any an-danitra?+

Ary tsy misy mahafinaritra ahy eto an-tany, afa-tsy ianao.+

26 Trotraka ny vatako sy ny foko.+

Andriamanitra anefa no vatolampin’ny foko sy anjarako mandritra ny fotoana tsy voafetra.+

27 Fa ho ringana izay manalavitra anao,+

Ary hataonao mangina izay mivadika aminao ka mahafoy* anao.+

28 Izaho kosa, dia ny manakaiky an’Andriamanitra no tsara amiko.+

I Jehovah Tompo Fara Tampony no ataoko fialofako,+

Mba hanambarako ny asany rehetra.+