Salamo

149 Miderà an’i Jah!+

Mihirà hira vaovao ho an’i Jehovah,+

Mihirà fiderana ho Azy eo anivon’ny fiangonan’ny olona tsy mivadika.+

 2 Aoka ny Israely hifaly amin’Ilay Be Voninahitra Mpanao azy.+

Ary aoka ny zanak’i Ziona hiravoravo amin’ilay Mpanjakan’izy ireo.+

 3 Aoka izy ireo hidera ny anarany amin’ny dihy.+

Aoka izy ireo hihira fiderana ho Azy amin’ny ampongatapaka sy ny harpa.+

 4 Fa ankasitrahan’i Jehovah ny olony.+

Ravahany famonjena+ ny mpandefitra.

 5 Aoka hifaly amim-boninahitra ireo olona tsy mivadika.

Aoka izy ireo hihoby eo am-pandrianany.+

 6 Aoka ho eo am-bavany ny hira fankalazana an’Andriamanitra,+

Ary aoka hisy sabatra roa lela eny an-tanany,+

 7 Mba hamaliana an’ireo firenena+

Sy hanafaizana ny firenena samy hafa,+

 8 Sy hamatorana ny mpanjakan’ireny amin’ny rojo,+

Sy ny manamboninahiny amin’ny gadra vy,

 9 Ary hampiharana amin’izy ireo ny didim-pitsarana voasoratra.+

Izay rehetra tsy mivadika amin’Andriamanitra no mahazo izany voninahitra izany.+

Miderà an’i Jah!+