Salamo
Ho an’ny mpitarika ny Lisy.+ Nataon’i Davida.
69 Vonjeo aho, Andriamanitra ô, fa miakatra ny rano ka mila hahafaty ahy.*+
2 Tafalentika ao anaty fotaka mandrevo aho, ka tsy misy hamaharan’ny tongotro.+
Tafalatsaka anaty rano lalina aho,
Ary nofaohin’ny rano misasasasa.+
3 Efa sasatry ny miantso aho,+
Ary farina mihitsy ny feoko.
Reraka ny masoko eo am-piandrasana an’Andriamanitro.+
4 Maro noho ny volon-dohako ireo mankahala ahy tsy amin’antony.+
Be dia be no mitady hampangina ahy, ka mitsangan-ko fahavaloko tsy amin’antony.+
Voatery nanolo zavatra tsy nangalariko aho.
6 Tsy ho menatra noho ny amiko anie ireo manantena anao,+
Ry Jehovah Tompon’ny tafika, ilay Tompo Fara Tampony!+
Tsy ho afa-baraka noho ny amiko anie ireo mitady anao,+
Ry Andriamanitry ny Israely ô!+
9 Fa mandany tanteraka ny heriko ny hafanam-poko ho an’ny tranonao,+
Ary mihatra amiko ny latsa nataon’ireo nandatsa anao.+
12 Niresaka momba ahy ireo nipetraka teo am-bavahady,+
Ary izaho no ambentin-kiran’ny mpisotro toaka.+
13 Fa izaho kosa dia nivavaka taminao, Jehovah ô,+
Tamin’ny fotoana nanehoanao fankasitrahana, Andriamanitra ô!+
Noho ny haben’ny hatsaram-panahinao feno fitiavana, dia valio aho ka asehoy fa ianao no tena mpamonjy.+
15 Aoka tsy hifaoka ahy ny rano misasasasa,+
Na hitelina ahy ny lalina,
Na hikatona amiko ny vavan’ny lavadrano.+
16 Valio aho, Jehovah ô, fa tsara ny hatsaram-panahinao feno fitiavana.+
Mba tsinjovy aho fa be famindram-po ianao,+
17 Ary aza manafina ny tavanao amin’ny mpanomponao.+
Mba valio haingana aho, fa azom-pahoriana mafy.+
19 Ianao mahalala ny latsa sy ny henatra ary ny fahafaham-baraka entiko.+
Eo anatrehanao daholo ny mpankahala ahy.+
20 Nahavaky fo ahy ny latsa, ary tsy mety sitrana ilay fery.+
Nanantena aho hoe mba hisy hangoraka, saingy indrisy fa tsy nisy,+
Ary mba hisy hampionona, saingy tsy nahita na iray aza.+
21 Zavamaniry misy poizina no nomeny hohaniko,+
Ary notadiaviny hampisotroina vinaingitra aho rehefa nangetaheta.+
22 Aoka ho vela-pandrika ho azy ireo ny latabany,+
Ary ho fandrika ho azy, izay zavatra natao hahasoa azy.+
28 Aoka ny anarany hofafana tsy ho ao amin’ny boky misy ny anaran’ny velona,+
Ary tsy hosoratana ao miaraka amin’ny anaran’ny olo-marina.+
31 Izany no ho sitrak’i Jehovah mihoatra noho ny ombilahy,+
Sy ny vantotr’ombilahy misy tandroka sady mivaky kitro.+
32 Hahita izany ny mpandefitra ka ho faly.+
Aoka hitepo* foana ny fonareo izay mitady an’Andriamanitra.+
34 Aoka hidera azy ny lanitra sy ny tany,+
Mbamin’ny ranomasina sy izay rehetra mihetsiketsika ao aminy.+