Salamo

81 Mihobia an’Andriamanitra fa izy no herintsika,+

Manaova horakora-pandresena ho an’Andriamanitr’i Jakoba.+

 2 Manaova hira fiderana,+ ary makà ampongatapaka+

Sy harpa mahafinaritra ary lokanga.+

 3 Tsofy ny anjombona, rehefa tsinam-bolana+

Sy rehefa fenomanana, fa fety ny andro.+

 4 Lalàna ho an’ny Israely mantsy izany,+

Didy navoakan’ilay Andriamanitr’i Jakoba.

 5 Nomeny ho fampahatsiahivana an’i Josefa izany,+

Tamin’izy nitety an’i Ejipta.+

Fiteny tsy haiko no fandreko tamin’izany fotoana izany.+

 6 “Nesoriko teo an-tsorony ny enta-mavesatra,+

Ary tsy nampitondraina sobika intsony ny tanany.+

 7 Niantso tao anatin’ny fahoriana ianao, dia namonjy anao aho,+

Namaly anao aho, tao amin’ny toerana miafina fonenan’ny kotroka.+

Nandinika anao aho, teo amin’ny ranon’i Meriba.+ Sela.

 8 Mihainoa, ry oloko, fa hijoro ho vavolombelona hiampanga anao aho.+

Ry Israely ô, raha mba nihaino ahy mantsy ianao,+

 9 Dia tsy ho nisy andriamani-kafa teo aminao,+

Ary tsy ho niankohoka teo anatrehan’ny andriamanitry ny firenen-kafa ianao.+

10 Izaho Jehovah no Andriamanitrao,+

Ilay nitondra anao niakatra avy tany Ejipta.+

Sokafy mitanatana ny vavanao, fa hofenoiko.+

11 Tsy nihaino ny feoko anefa ny oloko,+

Ary tsy vonona ny hankatò ahy ny Israely.+

12 Koa navelako handeha araka ny ditran’ny fony izy,+

Ka nanao izay saim-pantany.+

13 Raha mba nihaino ahy mantsy ny oloko,+

Raha mba nandeha tamin’ny lalako mantsy ny Israely,+

14 Dia ho nataoko nilavo lefona mora foana ny fahavalony,+

Ary ny tanako kosa namely an’ireo nandrafy azy!+

15 Ireo mankahala mafy an’i Jehovah kosa hanatona azy amin-tahotra,+

Ary haharitra mandritra ny fotoana tsy voafetra ny loza hanjo azy.

16 Homeko varimbazaha faran’izay tsara* ny oloko mba hohaniny,+

Ary hataoko voky tantely+ avy ao amin’ny harambato izy ireo.”