Salamo

99 Lasa mpanjaka i Jehovah.+ Aoka ho raiki-tahotra ny olona.+

Mipetraka eo amin’ny kerobima izy.+ Aoka hangovitra ny tany.+

 2 Lehibe i Jehovah ao Ziona,+

Ary ambony noho ny firenena rehetra izy.+

 3 Aoka izy ireo hidera ny anaranao.+

Be voninahitra sy mendrika hatahorana ary masina izy io.+

 4 Tiany ny rariny, hoatran’ny itiavan’ny mpanjaka mahery izany.+

Efa nataonao mafy orina ny fahitsiana.+

Ny rariny sy ny fahamarinana nampiharin’i Jakoba no nampiharinao koa.+

 5 Asandrato i Jehovah Andriamanitsika,+ ary miankohofa eo amin’ny fitoeran-tongony.+

Masina izy.+

 6 Anisan’ny mpisorony i Mosesy sy Arona,+

Ary anisan’ny niantso ny anarany i Samoela.+

Niantso an’i Jehovah izy ireo, dia namaly azy ireo izy.+

 7 Tao anatin’ny andry rahona no niresahany tamin’izy ireo.+

Narahin’izy ireo ny fampahatsiahivana sy ny fitsipika nomeny azy.+

 8 Ianao no namaly ny antson’izy ireo, Jehovah Andriamanitray ô!+

Andriamanitra namela ny helok’izy ireo ianao,+

Nefa koa namaly ny ratsy nataony.+

 9 Asandrato i Jehovah Andriamanitsika,+

Ary miankohofa eo an-tendrombohiny masina.+

Fa masina i Jehovah Andriamanitsika.+