Salamo

20 Hamaly ny vavaka ataonao anie i Jehovah, amin’ny andro fahoriana!+

Hiaro anao anie ny anaran’ilay Andriamanitr’i Jakoba!+

 2 Hanampy anao avy ao amin’ny toerana masina anie+ izy,

Ary hanohana anao avy ao Ziona!+

 3 Hotsaroany anie ny fanatitra rehetra ataonao fanomezana ho azy,+

Ary hankasitrahany anie ny tavin’ny fanatitra dorana atolotrao.+ Sela.

 4 Homeny anao anie izay irin’ny fonao,+

Ary hotanterahiny anie ny fikasanao rehetra!+

 5 Hihoby izahay noho ny famonjenao,+

Ary hatsanganay amin’ny anaran’Andriamanitray ny saina entinay.+

Hotanterahin’i Jehovah anie izay rehetra angatahinao!+

 6 Fantatro tsara izao fa mamonjy ny voahosony tokoa i Jehovah.+

Mamaly azy avy any amin’ny lanitra masina fonenany izy,+

Ka manao asa famonjena lehibe amin’ny tanany ankavanana.+

 7 Ny sasany miresaka momba ny kalesin’adiny, ary ny hafa miresaka momba ny soavaly,+

Fa izahay kosa hiresaka momba ny anaran’i Jehovah Andriamanitray.+

 8 Resy izy ireo ka lavo,+

Fa izahay kosa nitsangana ka tafajoro.+

 9 Jehovah ô, vonjeo ny mpanjaka!+

Hamaly anay izy amin’ny andro iantsoanay azy.+