Salamo

11 I Jehovah no ialofako,+

Koa ahoana no ahasahianareo milaza amiko hoe:

“Mandosira toy ny vorona, ho any an-tendrombohitrareo?+

 2 Jereo fa mamatotra ny tadin-tsipìkany ny ratsy fanahy.+

Efa omaniny eo amin’ny tadin-tsipìka ny zana-tsipìkany,

Mba hitifirany ny mahitsy fo, avy ao amin’ny maizimaizina.+

 3 Raha rava ny fototra,+

Inona no azon’ny olo-marina atao?”

 4 Ao amin’ny tempoliny masina i Jehovah.+

Any an-danitra ny seza fiandrianan’i Jehovah.+

Ny masony mijery, eny, ny masony mandinika+ ny zanak’olombelona.

 5 Samy dinihin’i Jehovah na ny olo-marina na ny ratsy fanahy,+

Ary tena halany ny olona tia herisetra.+

 6 Ny ratsy fanahy dia handrotsahany fandrika sy afo sy solifara,+

Ary rivotra mahamay. Izany no anjara kaopin’ireny.+

 7 Manao ny rariny i Jehovah,+ ary tena tia ny rariny.+

Ny olo-marina no hahita ny tavany.+