Salamo

101 Hihira momba ny hatsaram-panahy feno fitiavana sy ny rariny aho.+

Hihira fiderana ho anao aho, Jehovah ô!+

 2 Ho malina sy handeha tsy misy tsiny aho.+

Rahoviana ianao no hitsinjo ahy?+

Handeha amin’ny fahitsian’ny foko aho ao an-tranoko.+

 3 Tsy hamela zava-poana ho eo anoloan’ny masoko aho.+

Halako ny zavatra ataon’ireo miala amin’ny lala-mahitsy.+

Tsy avelako hahakasika ahy izany.+

 4 Manalavitra ahy ny olona tsy mahitsy fo.+

Tsy te hiditriditra amin-javatra ratsy aho.+

 5 Ataoko tsy mahateny intsony+

Izay olona manendrikendrika mangingina ny namany.+

Tsy zakako+

Izay olona manana maso miandranandrana sy fo mirehareha.+

 6 Hijery an’izay olona mendri-pitokisana eto an-tany ny masoko+

Mba hiara-monina amiko.+

Izay mandeha tsy misy tsiny+

No ho tonga mpanompoko.+

 7 Tsy hisy mpamitaka havelako hipetraka ao an-tranoko.+

Ary ny mpandainga tsy havelako hijanona+

Eo anoloan’ny masoko.+

 8 Isa-maraina, dia hataoko tsy afa-miteny intsony ny ratsy fanahy rehetra eto an-tany,+

Mba horinganina tsy ho ao an-tanànan’i+ Jehovah ny mpanao ratsy rehetra.+