Salamo

138 Hidera anao amin’ny foko manontolo aho.+

Eo anatrehan’ireo andriamani-kafa no hihirako fiderana ho anao.+

 2 Hiankohoka manandrify ny tempolinao masina aho,+

Sady hidera ny anaranao,+

Noho ny hatsaram-panahinao feno fitiavana+ sy noho ny fahamarinanao.+

Fa nankalazainao mihoatra noho ny anaranao ny teninao.+

 3 Namaly ahy ianao tamin’ny andro niantsoako anao,+

Ka nomenao fahasahiana aho ary nohatanjahinao.+

 4 Hidera anao daholo ny mpanjakan’ny tany, Jehovah ô,+

Satria ho ren’izy ireo ny teny aloaky ny vavanao.

 5 Hihira momba ny lalan’i Jehovah koa izy ireo,+

Fa lehibe ny voninahitr’i Jehovah.+

 6 Na avo aza i Jehovah, dia mijery ny manetry tena,+

Fa manalavitra ny olona manambony tena kosa izy.+

 7 Hiaro ny aiko ianao raha mandia fahoriana aho.+

Haninjitra ny tananao+ ianao satria tezitra ny fahavaloko,

Ka hamonjy ahy ny tananao ankavanana.+

 8 Hotanterahin’i Jehovah daholo izay noeritreretiny hahasoa ahy.+

Mandrakizay ny hatsaram-panahinao feno fitiavana, Jehovah ô!+

Aza afoy ny asan’ny tananao.+