Hiran’i Davida.
24 An’i Jehovah ny tany sy izay rehetra eo aminy,+
Eny, ny tany lonaka sy izay monina eo aminy.+
2 Naoriny teo ambonin’ny ranomasina izy,+
Ary ataony mafy orina eo ambonin’ny renirano.+
3 Iza no hankany an-tendrombohitr’i Jehovah?+
Ary iza no hiakatra any amin’ny toerany masina?+
4 Izay tsy manan-tsiny eo amin’izay ataon’ny tanany sady madio fo,+
Ary tsy manao tsinontsinona Ahy,+
Na mianiana hoenti-mamitaka.+
5 Handray fitahiana avy amin’i Jehovah izy,+
Ary hanaiky azy ho marina ilay Andriamanitry ny famonjena azy.+
6 Izany no taranaka mitady Azy.
Izany no taranaka mitady anao, ry Andriamanitr’i Jakoba ô!+ Sela.
7 “Aoka ianareo ho avo kokoa, ry vavahady ô,+
Ary aoka ianareo hisondrotra, ry fidirana efa nisy hatry ny ela ô,+
Mba hidiran’ilay Mpanjaka be voninahitra!”+
8 “Iza izany Mpanjaka be voninahitra izany?”+
“I Jehovah, ilay matanjaka sy mahery!+
I Jehovah, ilay mpiady mahery!”+
9 “Aoka ianareo ho avo kokoa, ry vavahady ô,+
Eny, aoka ianareo ho avo kokoa, ry fidirana efa nisy hatry ny ela ô,
Mba hidiran’ilay Mpanjaka be voninahitra!”+
10 “Iza marina izany Mpanjaka be voninahitra izany?”
“I Jehovah Tompon’ny tafika! Izy ilay Mpanjaka be voninahitra!”+ Sela.