Salamo

146 Miderà an’i Jah!+

Aoka aho hidera an’i Jehovah!+

 2 Hidera an’i Jehovah aho mandritra ny androm-piainako.+

Hihira fiderana ho an’Andriamanitro aho raha mbola velona koa.+

 3 Aza matoky ny olona ambony+

Na ny zanak’olombelona izay tsy mahavonjy.+

 4 Miala ny ainy,+ ary miverina amin’ny tany nakana azy izy,+

Ka androtr’iny ihany, dia foana ny eritreriny.+

Sady manantena an’i Jehovah Andriamaniny,+

 6 Ilay Mpanao ny lanitra sy ny tany+

Sy ny ranomasina ary ny zava-drehetra ao amin’ireo,+

Dia Ilay mitana ny fahamarinana mandritra ny fotoana tsy voafetra,+

 7 Sy manome rariny ny ambakaina,+

Ary manome hanina ho an’ny noana.+

Manafaka ny voafatotra i Jehovah.+

 8 Manokatra ny mason’ny jamba+ i Jehovah.

Mampitraka ny mitanondrika i Jehovah.+

Tia an’ireo olo-marina i Jehovah.+

 9 Miaro ny mpivahiny i Jehovah,+

Ary manao izay hahamaivana ny fahorian’ny kamboty ray sy ny mpitondratena.+

Fa ny lalan’ny+ ratsy fanahy kosa ataony miolakolaka.+

10 Ho mpanjaka mandritra ny fotoana tsy voafetra i Jehovah,+

Eny, ny Andriamanitrao ry Ziona ô, hatramin’ny taranaka fara mandimby.+

Miderà an’i Jah!+