Hira Fiakarana.
132 Jehovah ô, tsarovy i Davida,+
Tsarovy ny fahoriany rehetra,+
2 Sy ny fianianany tamin’i Jehovah,+
Ary ny voadiny tamin’Ilay Maherin’i+ Jakoba+ hoe:
3 “Tsy hiditra ao amin’ny tranolay fonenako aho.+
Tsy hiakatra eo ambonin’ny farafara tsara tarehy fatoriako+ aho,
4 Tsy havelako hatory+
Na ho rendremana ny masoko,+
5 Mandra-pahitako toerana ho an’i Jehovah,+
Dia tranolay be voninahitra ho an’Ilay Maherin’i Jakoba.”+
6 Nahare momba azy io izahay tany Efrata,+
Ary nahita azy io tany amin’ny faritra be ala.+
7 Andao hiditra ao amin’ny tranolainy be voninahitra,+
Sy hiankohoka eo amin’ny fitoeran-tongony.+
8 Mitsangàna ho any amin’ny toeram-ponenanao, Jehovah ô,+
Dia ianao sy ny Vata+ Masin’ny herinao.+
9 Aoka hitafy fahamarinana+ ny mpisoronao,
Ary aoka hihoby ireo tsy mivadika+ aminao.
10 Noho ny amin’i Davida mpanomponao,+
Dia aza lavina ilay voahosotrao izay mitodika aminao.+
11 Efa nianiana tamin’i Davida i Jehovah,+
Ka tsy hivadika amin’ny teniny mihitsy.+ Eny, efa nianiana izy hoe:
“Izay aloaky ny kibonao+
No hapetrako eo amin’ny seza fiandriananao.+
12 Raha hanaja ny fifanekena nataoko ny taranakao,+
Ka hanaraka ny fampahatsiahivana atoroko azy,+
Dia hipetraka mandrakizay eo amin’ny seza fiandriananao+
Ny taranak’izy ireo.”+
13 Fa efa nifidy an’i Ziona i Jehovah.+
Naniry mafy honina ao izy,+ ka nanao hoe:
14 “Ity no toerana honenako mandrakizay.+
Honina eto aho, fa izany no faniriako.+
15 Handrotsahako fitahiana tokoa ny tahirin-tsakafo ao.+
Ary hataoko voky hanina ny mahantra+ ao.
16 Hotafiko famonjena ny mpisorona+ ao,
Ary hihoby tokoa ny olona tsy mivadika izay monina ao.
17 Ao no hataoko mitsimoka ny tandroka ho an’i Davida.+
Ary hanomana jiro ho an’ilay voahosotro aho.+
18 Hataoko mitafy henatra ny fahavalony,+
Fa ny fanjakany+ kosa hiroborobo.”+