1 Timoty
4 Fa milaza marimarina ny fanambarana avy amin’ny fanahy fa hiala+ amin’ny finoana ny sasany any aoriana any,+ satria mihaino fanambarana mamitaka+ avy amin’ny fanahy sy mihaino fampianaran’ny demonia.+ 2 Hiala koa izy ireny noho ny fihatsarambelatsihin’ny mpandainga,+ izay manana feon’ny fieritreretana+ toy ny voatomboky ny vy mahamay. 3 Mandrara tsy hanambady+ izy ireny, ary mamoaka didy mampifady sakafo.+ Noforonin’Andriamanitra+ mba hohanina sy hisaoran’izay mino+ sy mahalala marina tsara ny fahamarinana anefa izany. 4 Tena tsara daholo mantsy ny zava-drehetra noforonin’Andriamanitra,+ ary tsy misy tokony holavina+ raha raisina amin’ny fisaorana,+ 5 satria hamasinin’ny tenin’Andriamanitra sy ny vavaka.
6 Ho mpanompo tsaran’i Kristy Jesosy ianao raha manoro hevitra ny rahalahy ny amin’ireo zavatra ireo. Eny, ho mpanompo mivelona amin’ny tenin’ny finoana sy ny tenin’ny fampianarana tsara+ izay efa arahinao akaiky.+ 7 Fa aoka ianao handa ny tantara tsy marina+ izay sady manazimbazimba zava-masina no fanaom-bavy antitra. Ary zaro foana kosa ny tenanao hanana fahafoizan-tena ho an’Andriamanitra.+ 8 Mahasoa kely ihany ny fampiasan-tena, fa ny fahafoizan-tena ho an’Andriamanitra+ kosa no mahasoa amin’ny zava-drehetra,+ satria izy io no misy fampanantenana ny amin’ny fiainana ankehitriny sy ilay ho avy.+ 9 Azo antoka sy mendrika ny hekena tanteraka izany teny izany.+ 10 Fa ho amin’izany tanjona izany no iasantsika mafy sy ikelezantsika aina,+ satria isika manantena+ an’Andriamanitra velona, Mpamonjy+ ny karazan’olona rehetra,+ indrindra fa ireo tsy mivadika.+
11 Izany zavatra izany àry no andidio azy ireo+ sy ampianaro azy foana.+ 12 Ary aza avela hisy hanao tsinontsinona anao noho ny fahatanoranao,+ fa aoka kosa ianao ho modely+ ho an’ny olona tsy mivadika,+ eo amin’ny teny sy ny fitondran-tena sy ny fitiavana sy ny finoana ary ny fahadiovam-pitondran-tena.+ 13 Mandra-pahatongako, dia miezaha mafy amin’ny vakiteny+ ampahibemaso+ sy amin’ny fananarana ary ny fampianarana. 14 Aza atao tsinontsinona izay nomena+ anao tamin’ny alalan’ny faminaniana,+ dia izay nomena anao rehefa nametra-tanana+ taminao ny anti-panahy rehetra. 15 Eritrereto tsara izany,+ ary aoka ianao hifantoka tanteraka amin’izany, mba hiseho amin’ny rehetra ny fandrosoanao.+ 16 Tandremo tsara foana ny tenanao+ sy ny fampianaranao.+ Ary mahareta amin’izany, fa raha manao izany ianao, dia hamonjy ny tenanao sy ireo mihaino anao.+