Ohabolana
3 Anaka, aza manadino ny lalàko,+ ary aoka ny fonao hitandrina ny didiko,+ 2 fa ho lava andro sy ho maro taona iainana ianao+ ary hiadana.+ 3 Aoka tsy hiala aminao ny hatsaram-panahy sy ny fahamarinana.+ Afatory eo amin’ny vozonao ireo,+ ary soraty eo amin’ny fonao,+ 4 dia hahazo sitraka amin’Andriamanitra sy ny olona ianao ary ho hitan’izy ireo fa tena lalin-tsaina.+ 5 Matokia an’i Jehovah amin’ny fonao manontolo,+ fa aza miantehitra amin’ny fahaizanao.+ 6 Eritrereto izy amin’izay rehetra ataonao,+ dia hataony mandeha tsara ny fiainanao.+
7 Aza mihevi-tena ho hendry.+ Matahora an’i Jehovah ka mialà amin’ny ratsy.+ 8 Aoka izany ho fanasitranana+ ny vatanao* sy ho famelombelomana ny taolanao.+
9 Manomeza voninahitra an’i Jehovah amin’ireo zava-tsarobidy anananao+ sy amin’ny voaloham-bokatrao rehetra,+ 10 dia ho feno mitafotafo ny fitehirizam-bokatrao,+ ary ny divay vaovao kosa hihoatra ny fanantazana azy.+
11 Aza mandà ny fifehezan’i Jehovah, anaka,+ ary aza mankahala ny anatra omeny,+ 12 fa izay tian’i Jehovah no anariny,+ tahaka ny ataon’ny ray amin’ny zanaka tiany.+
13 Sambatra ny olona mahita fahendrena,+ sy ny olona manana fahaiza-manavaka,+ 14 fa ny tombony azo aminy dia tsara noho ny volafotsy, ary ny vokatra azo aminy dia tsara noho ny volamena.+ 15 Sarobidy noho ny haran-dranomasina* izy,+ ary tsy misy afaka mifampitaha aminy izay rehetra mahafinaritra anao. 16 Andro maro no eo an-tanany ankavanana,+ ary harena sy voninahitra no eo an-tanany ankavia.+ 17 Lalana mahafinaritra ny lalany, ary fiadanana ny lalan-kalehany rehetra.+ 18 Hazon’aina+ ho an’izay mitana azy izy, ary izay mifikitra aminy+ no atao hoe sambatra.+
19 Fahendrena no nanorenan’i Jehovah ny tany,+ ary fahaiza-manavaka no nanaovany izay hahamafy orina ny lanitra.+ 20 Ny fahalalany no nampisarahana ny rano lalina,+ sy nahatonga ny rahona hitete ranonorana madinika.+ 21 Anaka, aoka tsy hiala eo imasonao ireo.+ Arovy ny fahendrena sy ny fahaiza-misaina,+ 22 dia hidika ho fiainana ho anao izany,+ ary ho firavaka eo amin’ny vozonao.+ 23 Amin’izay dia tsy hanana ahiahy+ ianao rehefa mandeha amin’ny lalanao, ary ny tongotrao tsy mba ho tafintohina.+ 24 Tsy mba hatahotra ianao rehefa matory,+ eny, hatory tokoa ianao ka ho mamy ny torimasonao.+ 25 Tsy hihorohoro ianao rehefa misy zavatra mampahatahotra tampoka,+ na rehefa mamely ny ratsy fanahy ny tafiotra, satria ho tonga tokoa izany.+ 26 Fa i Jehovah, raha ny marina, no ho tokinao,+ ka hiaro ny tongotrao tsy ho voafandrika.+
27 Aza miahotra manao soa amin’izay tokony hanaovan-tsoa+ raha mbola azon’ny tananao atao ihany.+ 28 Aza manao amin’ny namanao hoe: “Mandehana, dia miverena rahampitso fa homeko”, nefa misy ihany ao aminao.+ 29 Aza mamorona teti-dratsy hamelezana ny namanao,+ nefa izy mipetraka tsy manana ahiahy ao aminao.+ 30 Aza mifamaly tsy amin’antony+ amin’olona raha tsy nanao ratsy anao izy.+
31 Aza mitsiriritra olona tia herisetra,+ na mifidy ny lalany.+ 32 Maharikoriko an’i Jehovah+ ny olona fetsifetsy,+ fa ny olo-mahitsy kosa no manana fifandraisana akaiky aminy.+ 33 Ny ozon’i Jehovah dia ao an-tranon’ny ratsy fanahy,+ fa ny fitahiany kosa ao amin’ny fonenan’ny marina.+ 34 Ny mpaneso+ no hanaovany eson-teny,+ fa ny mpandefitra kosa hankasitrahany.+ 35 Voninahitra no ho azon’ny hendry,+ fa fahafaham-baraka kosa no ireharehan’ny tsisy saina.+