116 Feno fitiavana aho, satria nohenoin’i Jehovah+
Ny feoko sy ny fitalahoako.+
2 Nanongilan-tsofina nihaino ahy izy,+
Ka hiantso azy aho mandritra ny androm-piainako.+
3 Namatotra ahy toy ny tady ny fahafatesana,+
Ary azom-pahoriana aho toy ny efa any amin’ny Fasana.+
Ory sy nalahelo foana aho.+
4 Ny anaran’i Jehovah anefa no nantsoiko, ka hoy aho:+
“Jehovah ô, vonjeo ny aiko!”+
5 Tsara fanahy sy tia rariny i Jehovah.+
Andriamanitra mamindra fo ny Andriamanitsika.+
6 Miaro an’ireo mbola tsy dia nandia fiainana i Jehovah.+
Nahantra fadiranovana aho, ka novonjeny.+
7 Hilamin-tsaina indray aho,+
Fa nety ny nataon’i Jehovah tamiko.+
8 Novonjenao tsy ho faty mantsy aho,+
Notsimbininao ny masoko mba tsy ho latsa-dranomaso, ary ny tongotro mba tsy ho tafintohina.+
9 Handeha+ eo anatrehan’i Jehovah aho, ao amin’ny tanin’ny velona.+
10 Nino+ aho ka niteny.+
Ory dia ory aho.
11 Raiki-tahotra+ aho ka niteny hoe:
“Mpandainga daholo ny olona rehetra.”+
12 Inona no havaliko an’i Jehovah+
Noho ny soa rehetra nataony tamiko?+
13 Horaisiko ny kaopy misy famonjena+ lehibe,
Ary ny anaran’i Jehovah no hantsoiko.+
14 Hanefa ny voadiko amin’i Jehovah aho,+
Eo anatrehan’ny olony rehetra.
15 Sarobidy amin’i Jehovah
Ny fahafatesan’ireo olony tsy mivadika.+
16 Jehovah ô,+
Mpanomponao ange aho e!+
Eny, mpanomponao sady zanaky ny mpanompovavinao.+
Novahanao ny fatorako.+
17 Ianao no hanolorako sorona fisaorana.+
Ary ny anaran’i Jehovah no hantsoiko.+
18 Hanefa ny voadiko amin’i Jehovah aho,+
Eo anatrehan’ny olony rehetra,+
19 Ao an-tokotanin’ny tranon’i Jehovah,+
Ao aminao, ry Jerosalema ô!+
Miderà an’i Jah!+