FITEHIRIZAM-BOKIN’NY Vavolombelon’i Jehovah

2 Tantara 36:17

Ny Soratra Masina—Fandikan-tenin’ny Tontolo Vaovao
- 17 Koa nentin’Andriamanitra hanafika azy ireo ny mpanjakan’ny Kaldeanina.+ Dia novonoiny tamin’ny sabatra+ tao amin’ny toerana masina ny tovolahin’izy ireo.+ Tsy nisy nananany antra, na ny tovolahy na ny virjiny, na ny antitra na ny marefo.+ Natolotr’Andriamanitra teo am-pelatanany daholo ny zava-drehetra.+

Jeremia 51:7

Ny Soratra Masina—Fandikan-tenin’ny Tontolo Vaovao
- 7 Kaopy volamena teny an-tanan’i Jehovah i Babylona.
  Nataon’i Babylona izay hahamamo ny tany rehetra.
  
  Nisotro tamin’ny divainy ireo firenena,+
  Ka izany no nahalasa adala azy ireny.+

Ezekiela 29:19

Ny Soratra Masina—Fandikan-tenin’ny Tontolo Vaovao
- 19 “Izao àry no tenin’i Jehovah Tompo Fara Tampony: ‘Homeko an’i Nebokadnezara* mpanjakan’i Babylona ny tanin’i Ejipta,+ ka halainy ny harena ao. Dia haka babo be dia be izy sady handroba azy. Izany no ho karaman’ny tafiny.’

Daniela 5:18, 19

Ny Soratra Masina—Fandikan-tenin’ny Tontolo Vaovao
- 18 Ry mpanjaka ô! Nomen’ilay Andriamanitra Avo Indrindra an’i Nebokadnezara rainao ny fanjakana sy ny fahalehibeazana sy ny voninahitra ary ny fahefana.+ 19 Ary nangovitra sy natahotra azy ny vahoaka sy ny firenena ary ny olona samy hafa fiteny rehetra, noho ny fahalehibeazana nomen’Andriamanitra azy.+ Izay tiany hovonoina mantsy dia novonoiny, ary izay tiany ho velona dia navelany ho velona. Izay tiany hasandratra koa dia nasandrany, ary izay tiany haetry dia naetriny.+