59 Ary nitady zavatra hiampangana an’i Jesosy ny lehiben’ny mpisorona sy izay rehetra anisan’ny Fitsarana Avo Jiosy, mba hamonoana azy ho faty.+ 60 Tsy nahita anefa izy ireo, na be dia be aza ny vavolombelona mandainga tonga teo.+ Avy eo dia nisy olona roa tonga 61 ka niteny hoe: “Io lehilahy io nilaza hoe: ‘Vitako ny mandrodana ny tempolin’Andriamanitra sy manangana azy ao anatin’ny telo andro.’”+

39 Ary nanevateva azy ny mpandalo,+ sady nihivingivin-doha+ 40 no niteny hoe: “Hay ianao ilay handrodana ny tempoly dia hanorina azy ao anatin’ny telo andro?+ Vonjeo ny tenanao e! Raha zanak’Andriamanitra ianao, dia midìna avy eny amin’ny hazo fijaliana* eny!”+

57 Nisy hafa koa nijoro ho vavolombelona mandainga ka niampanga azy hoe: 58 “Henonay izy niteny hoe: ‘Harodako ity tempoly nataon’ny tanan’olona ity, dia hanorina hafa tsy nataon’ny tanan’olona aho rehefa afaka telo andro.’”+