Avy Amin’ny Mpamaky

Fianarana Fiteny Misaotra noho ireo fanoloran-kevitra manampy tokoa, ao amin’ilay lahatsoratra hoe “Moa ve Ianao Te Hianatra Fiteny Vahiny?” (8 Janoary 2000) Nanomboka nianatra teny espaniola aho roa taona lasa izay, ary hita fa tena nisy nilana azy ny fahaizako an’io fiteny io. Nandritra ny fivoriambe iraisam-pirenena iray vao haingana mantsy, dia afaka nanampy Kristianina hafa maro avy tany amin’ny firenen-kafa aho.

K.L.R., Brezila

Telo taona izao no nianarako teny frantsay, ary tsy maintsy misaotra anareo aho noho ilay lahatsoratra. Tena nampahery ilay izy! Nanjary tapa-kevitra indray aho ny hanohy ny fianarako, ary manantena aho sady mivavaka mba hahafahako hampiasa ny fahaizako fiteny vahiny eo amin’ny lafim-panompoana kristianina, indray andro any.

L. C., Etazonia