“Torohevitra Tonga Amin’ny Fotoana Ilana Azy” ho An’ny Rehetra

“TSY tanako ny ranomasoko noho ny torohevitra ‘tena voalanjalanja e’ sy tonga amin’ny fotoana ilana azy”, hoy ny nosoratan’ny olona iray namaky ilay boky hoe Ny Tsiambaratelon’ny Fahasambaram-pianakaviana. “Tena tohina sady feno ny foko noho ny tsipiriany sy ny fahafantarana ny fihetseham-pon’ny hafa hita ao amin’io boky io, rehefa manazava (raha ny marina) ny fisedrana rehetra mety hiseho tsikelikely ao anatin’ny fianakaviana, izy io. (...) Nijanona teo amin’ny antsasaky ny toko faha-8 mihitsy aho mba hanoratra aminareo. Tsy afaka niandry intsony aho.”

Nanampy teny ilay mpamaky feno fankasitrahana avy any Caroline Avaratra, any Etazonia, hoe: “Mivavaka aho mba hanehoan’ny fianakaviako sy ny fianakaviana maro hafa maneran-tany koa, fitandremana mihoatra noho ny mahazatra amin’ireo zavatra voarakitra ao anatin’io boky io.”

Nandraisan’ny olona an-tapitrisany maro eran-tany soa io zavatra vita an-tsoratra 192 pejy io. Misy zavatra ho an’ny mpianakavy tsirairay ao amin’ilay boky. Misy ny ho an’ny lehilahy sy ny vehivavy manambady, ho an’ny ray aman-dreny, ho an’ny zanaka ary ho an’ny raibe aman-drenibe. Anisan’ireo toko ahitana fianarana ao aminy ny hoe “Ampiofano Manomboka eo Amin’ny Maha-zazakely Azy ny Zanakao”, “Ampio ny Zanakao Zatovo mba Hiroborobo”, “Arovy Amin’ny Fitaomana Mandrava ny Fianakavianao”, ary “Tandrovy ny Fihavanana ao Amin’ny Ankohonanao”.

Mba hahazoana iray amin’ilay boky, dia fenoy ny tapakila etsy ambany ary alefaso any amin’ilay adiresy aseho eo amin’ilay tapakila, na any amin’ny iray amin’ireo adiresy voalaza ao amin’ny pejy faha-5 amin’ity gazety ity. Handray fanoloran-kevitra voafaritra tsara ianao, izay afaka manampy anao hamaha ireo olana ary hitondra ilay fahafinaretana nokasain’ilay Mpamorona ho an’ny fiainam-pianakaviana.

□ Mba andefaso ilay boky hoe Ny Tsiambaratelon’ny Fahasambaram-pianakaviana aho.

□ Mba andefaso olona aho hampianatra Baiboly ahy maimaim-poana atỳ an-tokantranoko.