Tsy Natao ho An’ny Zatovo Ihany

Nanoratra tany amin’ny foiben’ny Vavolombelon’i Jehovah any Polonina, i Jolanta, tovovavy 25 taona, fa tratran’ny fahaketrahana. Kilemaina izy, ary tao anatin’ny enim-bolana monja dia maty ny reniny sy ny renibeny. Nanomboka namaky ny boky Manontany ny Tanora—Valiny Mandaitra anefa izy, tamin’izay. Hoy ny nosoratany:

“Nihevitra aho fa natao ho an’ny zatovo io boky io fa tsy ho ahy”, hoy izy. “Tena diso hevitra mihitsy aho! Nahita valiny mazava tsara tamin’ireto fanontaniako ireto aho, rehefa nianatra ny toko faha-12 ka hatramin’ny faha-16: ‘Nahoana aho no ketraka aoka izany sy mahatsiaro ho manirery toy izao?’ ‘Nahoana no mahasosotra ahy ny tenako?’ ‘Nahoana aho no nalahelo be rehefa maty ny hava-malalako?’”

Hoy ihany izy: “Nanintona ahy ireo hevitra roa ao amin’ny pejy faha-130 hoe: ‘Ny fahafantarana fa ara-dalàna ny alahelonao dia fanampiana lehibe iray mba hiadiana amin’izy io. Kanefa tsy manao afa-tsy ny mampaharitra ny alahelonao ny fanohizana handa ilay zava-misy.’ Nanatanjaka ny fifikirako amin’ny fanantenako hahita indray ireo nodimandry ny famakiako ireo teny ireo, ka nampisy heviny kokoa ny fiainako.”

Mino izahay fa handray soa amin’ny boky Manontany ny Tanora—Valiny Mandaitra koa ianao, raha ta handresy ny fahaketrahana sy hampisy heviny kokoa ny fiainanao. Raha tianao ny hanafatra an’io boky io, dia fenoy ilay tapakila etsy ambany ary alefaso any amin’ilay adiresy aseho eo amin’ilay tapakila, na any amin’ny iray amin’ireo adiresy voalaza ao amin’ny pejy faha-5 amin’ity gazety ity.

□ Mba andefaso ilay boky hoe Manontany ny Tanora—Valiny Mandaitra aho. Amin’ny fiteny:

□ Mba andefaso olona aho hampianatra Baiboly ahy maimaim-poana atỳ an-tokantranoko.