Sasin-teny

Hisy Tontolo Iray Tsy Hisian’ny Ady ve Indray Andro Any? — Tamin’izao androntsika izao no nahitana ireo ady nandrava indrindra izay nampahory ny taranak’olombelona. Namela mpitondratena sy lehilahy maty vady ary kamboty an-tapitrisany maro, nitomany ireo olon-tiany, izy ireny. Tamin’ny 1991, tao amin’ny kaonferansa momba ny fandriampahalemana any Moyen-Orient natao tao Madrid, dia nilaza toy izao i Yitzhak Shamir: “Azoko antoka fa tsy misy mihitsy reny arabo maniry ny hahafatesan’ny zanany lahy any amin’ny ady — tahaka ny tsy hisian’ny reny jiosy iray haniry ny hahafatesan’ny zanany lahy any amin’ny ady.” Araka izany, dia mety tokoa ny lohateny raisintsika hoe: Hisy Tontolo Iray Tsy Hisian’ny Ady ve Indray Andro Any?

Ankoatra izany, efa mba nanontany tena ve ianao hoe: Misy fomba ahafahana manamarina ny fisian’Andriamanitra ve? Raha izany no izy, nahoana izy no namela hisy ny fahoriana be dia be toy izao? Inona no fikasan’Andriamanitra ho antsika ary ahoana no ahafahantsika mahafantatra izany? Porofo inona no ananantsika fa ara-tsindrimandry ny Baiboly? Manao ahoana marina ny toetran’ny maty ary inona no fanantenana ho azy ireny, raha toa ka misy izany? Hodinihina mandritra ity famelabelarana ity ireo fanontaniana ireo sy ny hafa.