Nanadino ny nankany am-piangonana ilay pastora noho izy io
Izao zava-nitranga manaraka izao, voarainay avy any Kenya dia mampiseho ny tena hasarobidin’ny fampianarana omen’ilay boky hoe Ny Bokiko misy Fitantarana avy ao amin’ny Baiboly.
Indray maraina, taloha kelin’ny oran’ny fotoam-pivavahana, dia nandray anankiray tamin’io boky io ny pastora iray. Avy hatrany izy dia nanomboka namaky azy ka variana aoka izany tamin’ny vakiteniny, hany ka nanadino ny nankany am-piangonana mba hitarika ny fotoam-pivavahana. Taoriana kelin’izay, dia nirahina ho any an-tranony ny minisitra hafa roa ka hitany tao izy teo am-pamakiana Ny Bokiko misy Fitantarana avy ao amin’ny Baiboly. Tamin’izay ilay pastora dia nanomboka nanazava tamin’izy ireo fa nahavariana aoka izany io boky io. Variana aoka izany koa ireo lehilahy anankiroa ka tsy niverina tany am-piangonana.
Rehefa afaka kelikely, ny olon-kafa izay tao am-piangonana dia mba nankany an-tranon’ilay pastora koa ka akory ny hagagany nahita an’ireo lehilahy telo nifanakalo hevitra momba ny Bokiko. Inona no vokany? Tamin’io maraina io, ny fotoam-pivavahana nahazatra dia nosoloana fifanakalozan-kevitra tsy voaomana mialoha momba Ny Bokiko misy Fitantarana avy ao amin’ny Baiboly. Ambonin’izany, dia olona be dia be no naniry hahazo anankiray tamin’ilay boky koa ka nangataka mba hitondran’ny misionera Vavolombelon’i Jehovah iray ho azy ireo tamin’izany.
Io boky 256 pejy io, misy sary be dia be, dia hahatonga anao hahazo an-tsaina ny amin’ny fampianarana ankapobeny ao amin’ny Baiboly. Mba hahafantarana ny fomba mety hahazoana anankiray amin’io, dia alefaso amin’ny anankiray amin’ireo adiresy voalaza ao amin’ny pejy faharoa amin’ity gazety ity ny tapakila famaliana.
Aza fady mba ampahafantaro ahy ny fomba mety hahazoako anankiray amin’ny Ny Bokiko misy Fitantarana avy ao amin’ny Baiboly.