‘Nanampy ahy hahazo ny fanajan’izy ireo izy io’

Izany no nolazain’ny lehilahy iray tany Afrika andrefana momba ny boky Votre jeunesse — Comment en tirer le meilleur parti. “Matetika aho no mamory ny fianakaviako manontolo mba hanao fiaraha-midinika mifototra amin’io boky io, hoy ny nosoratany, ary tonga mba handray anjara amin’izany ireo tanora teny amin’ny manodidina. Noho io boky io, dia nahazo ny fanajan’izy ireo aho ary afaka manampy azy ireny handamina ireo zava-manahirana azy.”

Io boky io dia mirakitra toko 24 izay mivaofy fanontaniana sahala amin’ireto: “Ahoana no fiheveranao ny fifehezana?”, “Tsara ve ny misotro zavatra misy alikaola?”, “Ny mozika sy ny dihy”, “Lany andro ve ny fahatsaram-pitondrantena eo amin’ny lahy sy ny vavy?” ary “Ny filalaovana fitia sy ny fifaneraserana”. Mba hahafantarana ny fomba mety hahazoanao io boky miavaka io izay hanampy anao hahomby eo amin’ny fiainana, dia avereno amin’ny anankiray amin’ireo adiresy voalaza ao amin’ny pejy faharoa amin’ity gazety ity ny tapakila famaliana eto ambany.

Aza fady mba ampahafantaro ahy ny fomba mety hahazoako ilay boky mifono baoritra 192 pejy hoe Votre jeunesse — Comment en tirer le meilleur parti.