1986 Diarin’ny Vavolombelon’i Jehovah

Fitantarana tany Hawaii

Ny vehivavy mpitory maharitra anankiray nitory tany am-banivohitra dia tojo lehilahy iray izay nanomboka nanompa azy sady nanakaratoka mafy ny varavarana. Rehefa nanalavitra izy, dia novahan’ilay tompon-trano ny alikany “bergers allemands” roa ary nomeny baiko hanaikitra azy. Rehefa fantany fa tsy ho afa-miala amin’izy ireo izy, dia nitodika sady nihazona ny kitapony ho fiarovana ary niantso imbetsaka ny anaran’i Jehovah (Ohab. 18:10). Nihazakazana mafy efa izay tsy izy ireo alika ka nibolisatra tsy afa-nijanona teo anoloany. Avy eo dia tsy namely azy ireo, fa nody tao an-trano sahala amin’ny tsy nahita azy akory. Nandritra izany fotoana izany ilay lehilahy sy ny vadiny dia nandidy azy roa ireo handeha hanaikitra azy. Kanefa nipetraka ireo alika ary nanda tsy hihetsika. Velom-pankasitrahana lalina an’i Jehovah ilay anabavintsika noho ny fiarovany.

Fitantarana tany Japon

Ny lehilahy iray ao anatin’ny fahamarinana ankehitriny dia nahita izany tamin’ny ampahany lehibe noho ny zanany lahy telo taona. Indray andro, tao anatin’ny fipoahan’ny fahatezerany, dia nandray Baiboly anankiray izy ka natsipiny teny am-baravarankely izany. Nihevitra izy fa ny Baibolin’ny vadiny izany, kanjo ny an’ny zanany lahy ilay izy. Lasa haingana nankany ivelan’ny trano itsy farany, tao anatin’ny orana, ary nianjera imbetsaka tao anaty fotaka izy alohan’ny hahitany azy. Rehefa tafaveriny tao an-trano izy io dia nanomboka nanasa azy tamim-pitandremana teo amin’ny “robinet” izy. Talanjona tsy nisy hoatr’izany ny rainy. Tsy mbola nahita azy nikarakara fatratra toy izany ny anankiray tamin’ireo kilalaony mihitsy izy, ary nampihetsi-po azy mafy ny vokatry ny fihetsiny teo aminy. Izany rehetra izany dia nanosika azy hanadihady bebe kokoa ny amin’izay nampianarina ny zanany. Amin’izao fotoana izao io lehilahy io dia rahalahintsika, ary efa nanomboka imbetsaka ny asan’ny mpitory maharitra mpanampy izy.

[Loharanon-kevitra]

Sombin-dahatsoratra avy ao amin’ny Diary 1986 (anglisy)