Fampandrenesana

◼ Zavatra vita an-tsoratra hatolotra amin’ny Aprily sy May: Famandrihana amin’ny Ny Tilikambo Fiambenana sy ny Mifohaza! Jona: Fahalalana Izay Mitarika ho Amin’ny Fiainana Mandrakizay. Jolay sy Aogositra: Azo atolotra izay bokikely 32 pejy rehetra: Hisy Tontolo Iray Tsy Hisian’ny Ady ve Indray Andro Any?, “Indro Havaoziko ny Zavatra Rehetra”, Inona no Zava-kendren’ny Fiainana?, Mifalia Amin’ny Fiainana eto An-tany Mandrakizay!, Ny Fanahin’ireo Maty — Afaka Manampy Anao ve izy Ireo sa Afaka Manisy Ratsy Anao? Tena Misy Tokoa ve izy Ireo?, Ny Fitondram-panjakana Izay Hitondra ny Paradisa, Rehefa Nody Mandry ny Olona Iray Tianao, Tena Miahy Antsika ve Andriamanitra?, Tokony Hino ny Trinite ve Ianao?

◼ Misy fanitsiana atao amin’ny fomba fanoloana ny Kara-panondron’ny Mpisava Lalana. Manomboka izao, ny karatra solony ho an’ny mpisava lalana izay mifindra toerana, miova anarana, very karatra, na mangataka fanovana fanendrena, dia homen’ny Fikambanana. Izay karatra rehetra mbola tsy niasa ananan’ny mpitan-tsoratra ao amin’ny tahiry dia tokony hariana. Ny fiovana anarana sy fanendrena vaovao dia hokarakaraina araka ny fomba mahazatra, ka ny mpitan-tsoratra dia manamarika ny fanazavana ilaina ao ambadiky ny Tatitry ny Kongregasiona (S-1) ho an’ny volana. Aorian’izay, ny Fikambanana dia handefa any amin’ny kongregasiona ireo karatra vaovao ho an’ny mpisava lalana. Ho tonga miaraka amin’ny filazana isam-bolana izy ireo amin’ny ankapobeny. Tokony halefa haingana any amin’ny Fikambanana izay fiovana rehetra, mba ho araka ny marina sy vaovao hatrany ny fanazavana ao anatin’ny tahirin-taratasinay. Afa-tsy izany koa, rehefa mampitsahatra io fanompoana io na nesorina ny mpisava lalana iray, dia tokony hofenoina sy homena ny Fikambanana tsy misy hataka andro ny S-206 iray.