Fampandrenesana
◼ Zavatra atolotra amin’ny Febroary: Manatòna An’i Jehovah. Martsa: Fahalalana Izay Mitarika ho Amin’ny Fiainana Mandrakizay. Miezaha hanomboka fampianarana Baiboly. Aprily sy Mey: Ny Tilikambo Fiambenana sy Mifohaza! Rehefa miverina mitsidika olona liana ianao, dia miezaha hametraka ny boky Mivavaha Amin’ilay Hany Andriamanitra Marina. Miezaha mafy hanomboka fampianarana Baiboly, indrindra fa amin’ireo olona efa nianatra tamin’ny boky Fahalalana na bokikely Takina.
◼ Ny mpiandraikitra mpitantan-draharaha, na izay tendreny, dia tokony hanamarina ny kaontin’ny fiangonana amin’ny 1 Martsa, na haingana araka izay azo atao aorian’izay. Rehefa vita ilay izy, dia anaovy fampandrenesana ho an’ny fiangonana, rehefa avy novakina ny tatitra momba ny kaonty manaraka. Vakio izay taratasy fisaorana noho ny fanomezana nataon’ny fiangonana ho an’ny asa maneran-tany sy ho an’izay tahirim-bolan’ny fikambanana.
◼ Tokony hijery indray ny asan’ny mpisava lalana maharitra rehetra ny mpitan-tsoratra sy ny mpiandraikitra ny fanompoana. Raha misy sahirana manatratra ny ora takina, dia tokony hanampy azy ny anti-panahy. Raha mila fanoloran-kevitra, dia jereo indray ny taratasy S-201 alefan’ny sampana isan-taona. Jereo koa Ny Fanompoantsika Ilay Fanjakana Oktobra 1986, pejy 4 sy 5, fehintsoratra 12-20.
◼ “Efa Tonga ve ny Ora Fitsarana An’i Babylona?” no foto-kevitry ny lahateny manokana amin’ny vanim-potoan’ny Fahatsiarovana 2003. Hatao ny alahady 27 Aprily izy io. Ireo fiangonana hotsidihin’ny mpiandraikitra ny faritra na hanatrika fivoriambe amin’io fotoana io, dia hanao ilay lahateny manokana ny herinandro manaraka. Tsy tokony hisy fiangonana hanao azy io alohan’ny 27 Aprily 2003.
◼ Koa satria tsy afaka manao famandrihana ho an’ny tenany manokana intsony ny mpitory, dia tokony hozaraina aminy avy hatrany Ny Tilikambo Fiambenana sy Mifohaza!, raha vantany vao tonga ao amin’ny Efitrano Fanjakana. Ho afaka hamaky azy ireo, alohan’ny hametrahany azy eny amin’ny saha, ny mpitory amin’izay.
◼ Kasety vidéo vaovao:
Vitan’ny Mpitsabo ny Tsy Mampiasa Ra —malagasy