Fampandrenesana

◼ Zavatra atolotra amin’ny Janoary: Manontany ny Tanora​—Valiny Mandaitra. Febroary: Manatòna An’i Jehovah. Martsa: Mivavaha Amin’ilay Hany Andriamanitra Marina. Hanao ezaka manokana isika mba hanombohana fampianarana Baiboly. Azo atao ny manolotra Ny Tsiambaratelon’ny Fahasambaram-pianakaviana, na Ny Bokiko Misy Fitantarana avy ao Amin’ny Baiboly, raha efa manana an’ireo ilay olona. Aprily: Ny Tilikambo Fiambenana sy Mifohaza! Rehefa miverina mitsidika ny olona liana ianao, dia tsidiho koa ireo nanatrika Fahatsiarovana sy fandaharana hafa, nefa mbola tsy tena miaraka amin’ny fiangonana. Miezaha hametraka ny boky Mivavaha. Miezaha mafy hanomboka fampianarana Baiboly, indrindra fa amin’ireo olona efa nianatra tamin’ny bokikely Takina.

◼ Ny boky Manatòna An’i Jehovah no hianarana any amin’ny Fianarana Boky, manomboka amin’ny herinandron’ny 15 Martsa 2004.

◼ “Ny Fitsipik’iza no Arahinao?” Io no lahateny hataon’ny mpiandraikitra ny faritra, manomboka amin’ny 7 Martsa, fara fahelany.

◼ Tokony hanao fandaharana mety ny fiangonana mba hankalazana ny Fahatsiarovana ny alahady 4 Aprily, aorian’ny filentehan’ny masoandro. Na dia mety hanomboka aloha kokoa aza ny lahateny, dia tsy tokony hampandalovina ireo marika, raha tsy aorian’ny filentehan’ny masoandro. Koa satria tsy hisy fivoriana hatao afa-tsy ny fivoriana alohan’ny fanompoana amin’io andro io, dia tokony hisy fanitsiana hatao mba hanaovana ny Fianarana Ny Tilikambo Fiambenana amin’ny andro hafa. Hilain’ny mpiandraikitra ny faritra ny manitsy ny fandaharam-pivoriany amin’ilay herinandro, mifanaraka amin’ny toe-javatra eo an-toerana. Na dia irina aza ny hanaovan’ny fiangonana tsirairay ny fankalazany manokana ny Fahatsiarovana, dia mety tsy hety foana izany. Raha fiangonana maromaro no mampiasa ny Efitrano Fanjakana, dia tokony hitady toerana hafa ny iray na mihoatra, amin’io takariva io. Tsara raha misy 40 minitra, fara fahakeliny, vao manomboka ny fankalazana manaraka, amin’izay dia samy handray soa be indrindra ny rehetra. Hanapa-kevitra ny amin’izay ho fandaharana mety indrindra eo an-toerana ny anti-panahy rehetra.

◼ Tsy anisan’ny zavatra atolotra amin’ny volana ny bokikely Mifalia Amin’ny Fiainana eto An-tany Mandrakizay!, amin’ny teny betsimisaraka, sakalava, tankarana, ary vezo. Ampahatsiahivinay anefa ireo rahalahy sy anabavy, mba hanana tahiry amin’ireo. Ampiasao ireo bokikely ireo, raha miteny ny iray amin’ireo teny ireo ny olona itoriantsika.