Fampandrenesana

◼ Zavatra atolotra amin’ny Martsa: Miambena Hatrany! Manolora boky Mivavaha Amin’ilay Hany Andriamanitra Marina raha tena liana ilay olona. Miezaha hanomboka fampianarana Baiboly. Aprily sy Mey: 1) Ny boky Fahalalana rehetra ao amin’ny tahirin’ny fiangonana. 2) Ny Tilikambo Fiambenana sy Mifohaza! Rehefa miverina mitsidika ny olona liana ianao, dia tsidiho ireo nanatrika ny Fahatsiarovana sy ny fivoriana hafa, nefa mbola tsy tena miaraka amin’ny fiangonana. Miezaha hametraka ny boky Mivavaha sy hanomboka fampianarana Baiboly. Jona: Mianara Amin’ilay Mpampianatra Lehibe. Boky Fahasambaram-pianakaviana na Fahalalana no atolotra ho an’ireo tsy manan-janaka.

◼ Tokony hozaraina avy hatrany Ny Tilikambo Fiambenana sy Mifohaza! raha vantany vao tonga ao amin’ny Efitrano Fanjakana. Amin’izay dia ho afaka hamaky azy ireo alohan’ny hametrahany azy eny amin’ny saha ny mpitory. Tokony hozaraina avy hatrany koa Ny Fanompoantsika Ilay Fanjakana, raha vantany vao tonga. Azo zaraina any amin’ny Fianarana Boky izy ireny.

◼ Raha mikasa handeha any an-tany hafa ianao, ka hamonjy ny fivorian’ny fiangonana, na fivoriamben’ny faritra na vondrom-paritra, dia anontanio ny biraon’ny sampana miandraikitra ny asa ao amin’ilay tany, ny daty sy ora ary toerana hanaovana fivoriana. Ao amin’ny pejy farany amin’ny Diary nivoaka farany no ahitana ny adiresin’ireo biraon’ny sampana.

◼ Tokony hataon’ny mpitan-tsoratra ampy tsara ny taratasy Fangatahana Hanao ny Fanompoan’ny Mpisava Lalana Maharitra (S-205) sy ny Fangatahana Hanao ny Fanompoan’ny Mpisava Lalana Mpanampy (S-205b). Azo hafarana amin’ny alalan’ny Taratasy Fanafarana Boky (S-14) izy ireo. Manàna tahiry ho an’ny herintaona, fara fahakeliny.

◼ Tianay ny hampahatsiahy ny anti-panahy rehetra, fa tsy tokony hampiasaina afa-tsy amin’ny tatitra momba ny raharaha ara-pitsarana, ny valopy manga alefanay isan-taona. Aza mampiasa azy ireny mba handefasana ny tatitry ny fiangonana na S-14 na taratasy hafa.

◼ Hatao ny alakamisy 24 Martsa 2005 ny Fahatsiarovana. Raha manana fivoriana ny fiangonanareo amin’io alakamisy io, dia tokony hovana ho amin’ny andro tsy ampiasan’ny fiangonana hafa ny Efitrano Fanjakana ilay izy. Azo ampidirina ao amin’ny Fivoriana momba ny Fanompoana hafa ireo anjara tena ilain’ny fiangonanareo, raha tsy mety io soso-kevitra io.

◼ Misy hiran’ilay Fanjakana sasantsasany noraisim-peo sy novana ho ngadon-kira be mpitia, miely any amin’ny Vavolombelon’i Jehovah maro. Mpitory maromaro àry no nanontany raha nahazoan-dalana tamin’ny fandaminana izy ireny. Fantatray ny fisian’ireny ary tianay ny milaza aminareo fa tsy ekenay izy ireny. Aza manaparitaka na maka azy ireny avy ao amin’ny Internet. Mino izahay fa mahavaly ny fanontanianareo izany fanazavana izany.