Fomba Fanolorana Gazety

Ny Tilikambo Fiambenana 1 Apr.

“Tianao ve raha tanteraka ity faminaniana ity? [Vakio ny Isaia 2:4, ary avelao izy hamaly.] Mariho fa hiditra an-tsehatra amin’ny raharahan’ny olombelona Andriamanitra, ary hampiaiky an’ireo firenena. Lazain’ny Baiboly fa hamarana ny ady rehetra Andriamanitra ao amin’ilay ady atao hoe Hara-magedona. Hazavain’ity gazety ity hoe inona ny Hara-magedona, ary nahoana izy io no tsy andrintsika?”

Mifohaza! Apr.

“Efa miaina amin’ity fotoana voalazan’ny Baiboly ity ve isika, araka ny hevitrao? [Vakio ny 2 Timoty 3:1-4, ary avelao izy hamaly.] Tokony hahaliana antsika ny momba ny andro farany, satria hisy zavatra tsara hitranga eto an-tany, aorian’izy io. Manazava izany ity gazety ity.”

Ny Tilikambo Fiambenana 1 Mey

“Olona maro no milaza fa tsy mino afa-tsy izay hitany. Miombon-kevitra amin’izy ireo ve ianao? [Avelao izy hamaly, ary vakio ny Romanina 1:20.] Manasongadina toetran’Andriamanitra telo, miharihary eo amin’ny zavaboary, ity gazety ity. Resahiny koa izay tokony ho vokatry ny fahalalana izany eo amintsika.”

Mifohaza! Mey

“Matahotra ny hoavy ny olona maro ankehitriny. Hihatsara ve ny fiainana sa hiharatsy, araka ny hevitrao? [Avelao izy hamaly, ary vakio ny Apokalypsy 21:3, 4.] Hazavain’ity gazety ity ny antony atokisantsika, fa hamaha tsy ho ela ireo olana lehibe tsy voavahan’ny olombelona Andriamanitra.”