Fampandrenesana

◼ Oktobra: Ny Tilikambo Fiambenana sy Mifohaza! Raha liana ilay olona, dia atolory sy iaraho midinika aminy ilay taratasy mivalona hoe Tianao ve ny Hahafantatra ny Marina? Miezaha hanomboka fampianarana Baiboly, raha efa manana azy io ilay olona. Novambra: Inona Marina no Ampianarin’ny Baiboly? Iray amin’ireto no atolotra raha efa manana azy io ilay olona: Ny Baiboly—Tenin’Andriamanitra sa Tenin’olona?, na Ny Tsiambaratelon’ny Fahasambaram-pianakaviana. Desambra: Ilay Lehilahy Niavaka Indrindra Teto An-tany. Ny boky Mianara Amin’ilay Mpampianatra Lehibe atolotra, raha misy ankizy ao amin’ilay trano. Janoary: Inona Marina no Ampianarin’ny Baiboly? Raha efa manana azy io ilay olona, dia ny boky Ny Baiboly—Tenin’Andriamanitra sa Tenin’olona? atolotra.

◼ Tsy ho hita ato amin’ny Fanompoantsika Ilay Fanjakana intsony ny Fandaharana Amin’ny Sekolin’ny Fanompoana mandritra ny taona. Handefasanay fandaharana roa avy kosa ny fiangonana. Tokony hatao eo amin’ny tabilao misy ny filazana ao amin’ny Efitrano Fanjakana ny iray, ary ho an’ny mpiandraikitra ny sekoly ny iray, mba hampiasainy rehefa manome anjara. Mbola hahazo Ny Fanompoantsika Ilay Fanjakana ny mpitory isam-bolana, ary ho hita ao ihany ny fandaharana amin’ny Fianarana Baiboly Ataon’ny Fiangonana sy ny Sekolin’ny Fanompoana ary ny Fivoriana Momba ny Fanompoana, fanao isan-kerinandro.

◼ Ny boky “Andao Hanara-dia Ahy” no hodinihina amin’ny Fianarana Baiboly Ataon’ny Fiangonana, manomboka amin’ny herinandron’ny 1 Martsa 2010. Tokony hanafatra an’io boky io amin’ny fanafarany manaraka ireo fiangonana mila.