Tongava Hihaino Lahateny Tsy Hisy Vidim-pidirana
“Iza No Mampianatra Fahamarinana ny Firenena Rehetra?”
Hoy ny eveka iray, indray mandeha: “Tsy takatsika rehetra ny tena fahamarinana.” Marina ve izany sa misy loharanon’ny tena fahamarinana? Mety hisy fotoana hilazan’ny rehetra ny fahamarinana ve?
Manomboka amin’ny volana Jolay, dia hasongadina any amin’ireo Fivoriamben’ny Distrikan’ny Vavolombelon’i Jehovah “Mpampianatra ny Tenin’Andriamanitra”, haharitra telo andro, io lahateny voalaza etsy ambony io. Hisy 15 ireo fivoriambe ireo hatao eto Madagasikara. Io lahateny io koa dia hasongadina any amin’ny fivoriambe maherin’ny 2000, hatao any amin’ny tany maherin’ny 150.
Anisan’ny horesahina ny hoe: Iza no loharanon’ny fahamarinana? Ahoana no ampiharihariana ny fahamarinana? Inona no boky mampiharihary indrindra ny fahamarinana?
Azonao atao ny mihaino io lahateny lehibe io any amin’ny fivoriambe akaikinao. Miresaha amin’ny Vavolombelon’i Jehovah eo an-toerana na manorata any amin’ny mpampanonta ity gazety ity, mba hamantarana ny toerana akaiky indrindra ny misy anao. Misy lisitr’ireo toerana rehetra hanaovana ireo fivoriambe eto Madagasikara ao amin’ny gazety Ny Tilikambo Fiambenana 15 Febroary 2001, naman’ity.