Fantatrao Ve?
(Mamaly ireto fanontaniana ireto ny andinin-teny eo akaikiny; ary hita ao amin’ny pejy 22 ny valiny. Raha mila fanazavana fanampiny, dia jereo ny boky “Fahatakarana ny Hevitry ny Soratra Masina” [frantsay], navoakan’ny Vavolombelon’i Jehovah.)
1. Tao amin’ilay nofin’i Nebokadnezara Mpanjaka, inona no nolazain’ilay anjely fa homena an’ilay hazo lehibe nokapaina, ary inona no dikan’izany? (Daniela 4:13)
2. Inona no nataon’i Samsona tamin’ireo Filistinina nasainy tamin’ny fampakaram-badiny, ka nahafahany namono 30 tamin’izy ireo tany Askelona avy eo? (Mpitsara 14:12-19)
3. Iza ilay mpanjakan’i Babylona voatery nampanipy an’i Daniela tao an-davaky ny liona, noho ny lalàna tsy azo novana? (Daniela 6:10)
4. Firy ny tsindranolahy nirahin’i Ahasoerosy Mpanjaka haka an’i Vasty vadiny ho eo anatrehany, mba hampisehoany ny hatsaran-tarehiny? (Estera 1:10)
5. Inona ireo zavatra roa nolazain’i Jakoba fa takin’Andriamanitra amin’ny “fivavahana madio sady tsy misy loto”? (Jakoba 1:27)
6. Raha tsy te ho afaka ny andevo hebreo iray, inona no tsy maintsy nataon’ny tompony? (Eksodosy 21:6)
7. Iza ireo zanakalahin’i Eliaba robenita roa, niaraka tamin’i Kora tamin’izy nikomy tamin’i Mosesy sy Arona? (Nomery 16:1-3)
8. Inona no fanao manimba ny hoditra tsy azon’ny Isiraelita natao? (Levitikosy 19:28)
9. Iza no renin’i Hezekia Mpanjaka? (2 Mpanjaka 18:2; 2 Tantara 29:1)
10. Araka ny nolazain’i Solomona, samy manana inona ny “raharaha rehetra atỳ ambanin’ny lanitra”? (Mpitoriteny 3:1)
11. Inona no nasain’i Jehovah nataon’i Jeremia, rehefa nodoran’i Joiakima Mpanjaka ilay horonan-taratasy nisy fanamelohana novakina taminy? (Jeremia 36:27-32)
12. Iza no fantatra ho mpisorona sady mpanora-dalàna mahay? (Nehemia 8:9)
13. Nahoana no tsy nety nandeha ny zanak’i Jakoba rehefa nasainy niverina tany Ejipta mba hividy sakafo indray, nandritra ny mosary? (Genesisy 43:1-5)
14. Inona no dikan’ny hoe noforonina “tahaka ny tarehin’Andriamanitra” i Adama? (Genesisy 5:1)
15. Inona ilay zavamaniry manitra be notononin’i Jesosy rehefa niresaka izy hoe nandoa ny ampahafolon’ny zava-madinika ny Fariseo, nefa tsy niraharaha “izay lehibe amin’ny lalàna”? (Matio 23:23)
16. Ahoana no nitsapan’i Jeremia ny fankatoavan’ny Rekabita? (Jeremia 35:3-6)
17. Inona no fitaka nataon’ny rahalahin’i Josefa folo mba hinoan’i Jakoba fa lanin’ny biby masiaka i Josefa? (Genesisy 37:31-33)
18. Iza ilay olona goavana nalaza indrindra resahina ao amin’ny Baiboly, na dia nety ho nisy olona goavana kokoa noho izy aza? (1 Samoela 17:4)
19. Taiza ny tendrombohitra nahafaty an’i Mosesy, rehefa avy nahatazana ny Tany Nampanantenaina izy? (Deoteronomia 32:49, 50)
20. Taiza no nitodika ny tabernakely sy ny tempoly? (Nomery 3:38)
[Efajoro, pejy 22]
Valin’ny Fanontaniana
1. “Fom-biby.” Ho very saina i Nebokadnezara ka hitondra tena toy ny biby
2. Fampanonona na ankamantatra
3. Dariosa
4. Fito
5. “Mamangy ny kamboty sy ny mpitondratena amin’ny fahoriany, sy ny miaro ny tena tsy hisy pentimpentina avy amin’izao tontolo izao”
6. Hoentiny eo amin’ny varavarana na tolam-baravarana izy, ary ‘hotevehiny amin’ny haolo ny sofiny’
7. Datana sy Abirama
8. Tombo-kavatsa
9. Abia, na Aby
10. “Androny avy”
11. Hanoratra iray vaovao sady lava kokoa noho ilay teo
12. Ezra
13. Niteny tamin’izy ireo ny mpanapaka an’i Ejipta fa tsy afaka miverina any izy ireo raha tsy miaraka amin’i Benjamina, zandriny faralahy
14. Nanana saina sy fahaizana ambony lavitra noho ny zavaboary hafa rehetra teto an-tany izy, ka anisan’izany ny toetra toy ny an’Andriamanitra sy ny fahaizana manavaka ny tsara sy ny ratsy
15. Solila
16. Norosoany divay izy ireo ka nasainy nisotro, na dia tsy nahazo nanao an’izany aza, araka ny hafatry ny razambeny
17. Natsobony tao anaty ran’osy ny akanjo lavan’i Josefa ary nasehony an’i Jakoba
18. Goliata
19. Nebo
20. Atsinanana