FITEHIRIZAM-BOKIN’NY Vavolombelon'i Jehovah
FITEHIRIZAM-BOKIN’NY
Vavolombelon’i Jehovah
Malagasy
  • BAIBOLY
  • ZAVATRA MISY
  • FIVORIANA
  • g17 No. 5 p. 16
  • Ny Endriky ny Akorandriaka

Tsy misy video mifandray amin’io.

Miala tsiny fa tsy mety miseho ilay video.

  • Ny Endriky ny Akorandriaka
  • Mifohaza!—2017
  • Mitovitovy Aminy
  • Loha Hevitra ato Anatiny
    Mifohaza!—2017
  • Ny Akorandriaka
    Mifohaza!—2009
  • Ny Hazavana Avoakan’ny Zavamananaina
    Nisy Namorona Ve?
  • Tsy Miafina Aminao ny Endrika Kanton’ny Natiora
    Mifohaza!—2002
Hijery Hafa
Mifohaza!—2017
g17 No. 5 p. 16
Akorandriaka maromaro

NISY NAMORONA VE?

Ny Endriky ny Akorandriaka

ANY amin’ny fanambanin’ny ranomasina any no misy ny sifodranomasina. Tsy mora ny zavatra iainany any, satria iharan’ny tsindry mafy be izy ireo. Tena miaro azy anefa ny akorany. Tian’ny injeniera halain-tahaka àry ny firafitry ny akorandriaka sy ny endriny, mba hanamboarana fiara sy trano maharo tsara ny olona ao anatiny.

Diniho izao: Nandinika karazana akorandriaka roa ny injeniera. Ny iray miendrika mivalombalona (misy takelaka roa mifanarona), ary ny iray miendrika miolikolika.

Noho ireo endriny ireo, dia izay faritra matanjaka indrindra amin’ilay akorandriaka no tena mizaka ny tsindry. Ny sisiny sy ny fihaonan’ireo takelaka mifanarona izany ho an’ilay akorandriaka miendrika mivalombalona, fa ny atin’ilay akora sy ny faritra mivelatra indrindra aminy kosa ho an’ilay miendrika miolikolika. Mbola voaro ihany àry ilay sifotra ao anatiny, na simba aza ilay akorandriaka.

Nanamboatra akorandriaka tsotsotra miendrika boribory sy matsoko loha ny mpikaroka. Ny akora ao amin’ny akorandriaka ihany no nalainy tahaka. Nampitahainy ny hamafin’ny akorandriaka voajanahary sy ny an’ireo akorandriaka tsotsotra ireo. Hita fa efa ho avo roa heny ny tsindry zakan’ny akorandriaka voajanahary, noho izy io be pitsiny kokoa.

Hoy ny gazety Amerikanina Siantifika: ‘Raha mitondra fiara hoatran’ny akorandriaka ianao indray andro any, dia tadidio fa natao hiarovana ny olona ao anatiny izy io fa tsy hoe haitraitra fotsiny.’

Ahoana ny hevitrao? Vokatry ny evolisiona (na fiovana miandalana) ve ny endriky ny akorandriaka, sa nisy namorona?

    Fitehirizam-boky Malagasy (1965-2025)
    Hiala
    Hiditra
    • Malagasy
    • Hizara
    • Firafitra
    • Copyright © 2025 Watch Tower Bible and Tract Society of Pennsylvania
    • Fifanekena
    • Fifanekena Momba ny Tsiambaratelo
    • Firafitry ny Fifanekena
    • JW.ORG
    • Hiditra
    Hizara