Boky Tranainy Nefa Tsy Lany Andro

Namaky Baiboly ny olona sasany ary nampihatra ny torohevitra hitany tao. Tena nandray soa izy ireo rehefa nanao an’izany. Izao no nolazainy:

“Milamina kokoa izao ny fiainako. Lasa tony sy milamin-tsaina aho, dia lasa falifaly kokoa.”—Fiona.

“Lasa misy dikany ny fiainako rehefa nianatra Baiboly aho.”—Elena.

“Tena nihatsara ny fiainako. Tsy miasa be hoatran’ny taloha intsony aho, dia lasa manam-potoana kokoa hiarahana amin’ny fianakaviako.”—Andrew.

Olona maro koa eran-tany no mahatsapa hoatr’izany. Hitan’izy ireo hoe azo ampiharina amin’ny fiainana andavanandro ny torohevitry ny Baiboly.

Hojerentsika ato fa afaka manatsara ny fiainan’ny olona ny Baiboly, amin’ireto lafiny ireto:

• Fahasalamana

• Fihetseham-po

• Fianakaviana sy namana

• Vola

• Fifandraisana amin’Andriamanitra

Ho hitantsika ato fa tsy hoe boky masina fotsiny ny Baiboly, fa afaka manampy antsika amin’ny fiainana andavanandro koa.