Hira 110

Aoka Isika Hifamela Heloka

(Efesianina 4:32)

1. Tia antsika i Jehovah,

Ka mamela heloka.

Izy nanome antsika

Vidim-panavotana.

Raha mibebaka isika,

Ho voavela heloka,

Noho ny soron’i Jesosy

Sy ny fitiavan’i Jah.

2. ’Reo manahaka an’i Jehovah,

Hahazo famelana.

Aok’ isika hifamela

Sy haneho fitiavana.

Tsy lavorary isika,

Samy mety ho diso

Amin’ny teny sy atao,

Ka mila famindram-po.

3. Mampisinda alahelo

Ny fifamelantsika.

’Reo mamindra fo sy miantra

Dia tia fihavanana.

’Zay mamela fahadisoana,

Hendry sady matotra,

Manadino izay ratsy

Nataon’ireo rahalahy.

4. Aoka mba ho tanjontsika

Ny hamela ny hafa.

Halaviro ny lolompo

Sy ny fankahalana.

Tokony ho avy ao am-po

Ny famelan-keloka.

Raha mamindra fo isika,

Hanahaka an’i Jehovah.