Hira 207

An’iza moa Isika?

(1 Korintianina 6:20)

1. An’iza moa ianao?

Iza no ekenao?

’Zay tompoinao sy hajainao,

Dia izy no Andriamanitrao.

Tsy misy afaka

Manompo tompo roa,

Fa ’zay fidinao no ho tomponao,

Dia ’zay tianao kokoa.

2. An’iza moa ianao?

Iza no tomponao?

Fidio izay tianao kokoa:

’Lay marina sa ’lay diso?

Kaisara ve izao

No hankatoavinao?

Sa i Jehovah Andriamanitra

No hiankohofanao?

3. An’iza moa izaho?

An’i Jehovah aho.

Hanompo azy amin’ny fo

No voady efa nataoko.

Koa tapa-kevitra aho

Ny tsy hivadika.

Ny ran’i Kristy ’zay sarobidy

No nanavotana ahy.

4. Anao tokoa ’zahay,

Ry Jehovah Rainay.

Tafaray ’zao ny ondrinao,

Ao anatin’ny valanao.

Mamelombelona

Ireo fivoriana.

Mahafaly anay ny miara-mandray

Ny fahamarinana.