Hira 211
Mifalia Amin’ny Asa Fijinjana
1. Izao no fotoam-pijinjana,
Ka faly tokoa isika.
Ny anjely no tena “mpijinja”,
Fa mandray anjara isika.
Nanomboka ny asa Jesosy,
Namafy tao amin’ny “saha.”
Efa azo jinjaina ny vokatra,
Faly ’sika manangona.
2. Voangona tsara ny “vary”,
Ao ‘an-tsompitr’i’ Jehovah.
Tsy faly ny “tsimparifary”,
Manohitra ny asantsika.
Manompo mandritra ny andro
Ny vahoakan’i Jehovah.
Ny olona liana dia betsaka,
Hanampy azy ’reo isika.
3. Manosika antsika hitory
Ny fitiavana lalina.
Tena maika ny fijinjana,
Tsy ho ela dia hifarana.
Ilaintsika ny miasa mafy,
Manampy ’reo te hianatra.
Faly ’zao ny “sisa voahosotra”
Fa mitombo ny ondry hafa.
4. Tsy maintsy mijinja isika,
Fa “masaka” ny eny an-tsaha.
Kristy no Mpitarika ny asa,
Ka manaiky azy ’sika.
Koa faly isika rehetra
Miara-miasa amin’i Jah.
Ataontsika loha laharana
Ilay asa fijinjana.