Fizarana faha-5

Ny Sekoly sy ny Asa

Ny sekoly, na tianao na tsy tianao, dia azo inoana fa handanianao eo amin’ny 12 taona eo ho eo amin’ny fiainanao. Mety ho taona hanasatra aoka izany izy ireo, na ho taona hanitarana fahalalana. Izany dia miankina be dia be amin’ny fomba ampiasanao ireo taona laninao any an-tsekoly ireo. Ato amin’ity fizarana ity àry isika dia hijery amin’ny fomba lalina ny sekoly, ny entimody, ny naoty ary ny mpampianatra. Ary ho anareo izay efa tsy mandeha mianatra intsony, dia manana tolo-kevitra tsara dia tsara momba ny fiatrehana ny fiainana any am-piasana izahay.