Fizarana faha-6
Ny Maha-lahy sy ny Maha-vavy ary ny Fari-pitondran-tena
Tanora maro no tsy isalasalana fa hanokatra ity boky ity ho amin’ity fizarana ity avy hatrany. Nahoana? Satria tsy misy foto-kevitra hafa miteraka fanontaniana sy ady hevitra — ary fisafotofotoana — be dia be toy ny maha-lahy sy ny maha-vavy ary ny fari-pitondran-tena. Ny hoe fari-pitondran-tena anefa dia mahafaoka be lavitra noho ny fitondran-tena eo amin’ny maha-lahy sy ny maha-vavy. Ohatra, ahoana no ahafahanao miantso ny tanora iray mandainga sy manao fraude ho madio ara-pitondran-tena? Na koa, misy ve tarehin-javatra azo ilazana fa mety ny fanaovana ny tsy marina? Soa ihany ny Baiboly fa manome antsika fitarihana mivantana sy azo ampiharina sasantsasany momba ireo raharaha mahakasika ny fitondran-tena ireo.