Vehivavy Modely—Lydia

Nanolo-tena hampiantrano an’i Paoly sy ny namany i Lydia, na dia vao haingana aza izy no lasa Kristianina. (Asan’ny Apostoly 16:14, 15) Lasa namany àry ireo mpianatr’i Kristy ireo. Fitahiana tokoa izany! Nankaiza ry Paoly sy Silasy raha vao afaka tao am-ponja? Tonga dia niverina tany amin’i Lydia!—Asan’ny Apostoly 16:40.

Nahoana raha miezaka mifandray amin’ny olon-kafa koa, toy ny nataon’i Lydia? Inona àry no azonao atao? Manaova zavatra tsikelikely. Olona iray aloha no iresaho. Ataovy tanjona ny hiresaka amin’olona iray, isaky ny mivory. Miezaha mitsikitsiky. Mametraha fanontaniana na milazà zavatra momba anao, raha tsy mahita hotenenina ianao. Henoy tsara izy. Tsy hatahotahotra intsony ianao, rehefa ela ny ela. Matetika ny olona no mihaino tsara, raha teny mahafinaritra sy mampahery ary avy amin’ny fo no lazainao. (Ohabolana 16:24) Nahazo namana tsara i Lydia, satria tsara fanahy sy tia nandray vahiny. Hahazo namana tsara koa ianao, raha manahaka azy!