Fizarana 8

Midika ho Inona ho Anao ny Fahafatesan’i Jesosy?

Maty i Jesosy mba hahavelomantsika. Jaona 3:16

Vehivavy mijery ao amin’ny fasan’i Jesosy

Nankao amin’ny fasan’i Jesosy ny vehivavy vitsivitsy, telo andro taorian’ny nahafatesany. Foana anefa ilay fasana! Efa natsangan’i Jehovah tamin’ny maty izy.

Jesosy miseho amin’ny apostoliny, ary miakatra any an-danitra avy eo

Niseho tamin’ny apostoliny izy taorian’izay.

Natsangan’i Jehovah tokoa i Jesosy, ary nataony anjely mahery sy tsy mety maty. Nahita ny niakarany tany an-danitra ny mpianany.

Natsangan’Andriamanitra tamin’ny maty i Jesosy ary nataony Mpanjakan’ny Fanjakan’Andriamanitra. Daniela 7:13, 14

Jesosy eo ambony seza fiandrianana, sady manjaka amin’ireo olona ao amin’ny paradisa eto an-tany

Nanome ny ainy ho vidim-panavotana ho an’ny olombelona i Jesosy. (Matio 20:28) Afaka manome antsika fiainana mandrakizay Andriamanitra, noho io vidim-panavotana io.

Notendren’i Jehovah ho Mpanjaka hitondra ny tany i Jesosy. Hisy olona tsy mivadika hiara-manjaka aminy. Miisa 144 000 izy ireo ary hatsangana amin’ny maty mba ho any an-danitra. I Jesosy sy ireo 144 000 no anisan’ilay fitondram-panjakana any an-danitra, izay antsoina hoe Fanjakan’Andriamanitra. —Apokalypsy 14:1-3.

Hanova ny tany ho paradisa ny Fanjakan’Andriamanitra. Tsy hisy intsony ny ady, heloka bevava, fahantrana, ary hanoanana. Ho sambatra tokoa ny olombelona. —Salamo 145:16.